బ్రెంట్ క్రూడ్ ఫ్యూచర్స్ 83 సెంట్లు పెరిగి బ్యారెల్ ముడిచమురు రేటు ప్రస్తుతం 84.38 డాలర్లకు చేరింది. ఇక ఇదే సమయంలో 84.80 డాలర్ల వద్ద ఇంట్రాడే గరిష్టాన్ని తాకింది. యూఎస్ వెస్ట్ టెక్సాస్ ఇంటర్మీడియెట్ క్రూడ్ ధర 78 సెంట్లు పెరిగి బ్యారెల్కు 78.79 డాలర్ల వద్ద ఉంది. గత నెలలో ప్రముఖ అంతర్జాతీయ చమురు కంపెనీలు ఎర్ర సముద్రంగుండా తమ నౌకల రవాణాను నిలిపివేయడంతో చమురు ధరలు 2 శాతం మేరకు పెరిగాయి.
ఇక ఫిబ్రవరి 1న రష్యా నేతృత్వంలోని ఆర్గనైజేషన్ ఆఫ్ ది పెట్రోలియం ఎక్స్పోర్టింగ్ కంట్రీస్ (ఒపెక్) సమావేశం కానుంది. చమురు ఉత్పత్తి స్థాయి అంశంపై చర్చించనుంది. మళ్లీ ఉత్పత్తిని తగ్గిస్తుందేమోనని ఆందోళన నెలకొంది. ఈ నిర్ణయం స్టాక్ మార్కెట్లు సహా ప్రపంచ దేశాల ఆర్థిక వ్యవస్థల్ని కూడా ప్రభావితం చేస్తుందని చెప్పొచ్చు. మరి ఆందోళనలు తగ్గే దిశగా ఏమైనా నిర్ణయం తీసుకుంటుందేమో చూడాలి.
మరోవంక, భారత దేశంలో సాధారణ ఎన్నికలు మరికొద్ది నెలల్లో జరగనుండగా అప్పటిలోగా ఇక్కడ పెట్రోల్, డీజిల్ ధరలు తగ్గొచ్చని వార్తలు వినిపిస్తున్నాయి. లీటర్పై పెట్రోల్, డీజిల్ రూ. 5 నుంచి 10 రూపాయల వరకు తగ్గొచ్చని తెలుస్తోంది. అయితే ప్రస్తుత అంతర్జాతీయ పరిణామాల నడుమ ఇది సాధ్యమేనా అన్న చర్చ మరోసారి మొదలైంది.
More Stories
ఢిల్లీ లిక్కర్ కేసులో ఈడీ 7వ ఛార్జీషీట్
ఎయిర్ఇండియా సిబ్బంది సమ్మె విరమణ
ఎస్బీఐకి 3 నెలల్లో రూ.20,698 కోట్ల లాభం