సోమవారం భాగ్యనగరానికి చేరుకుంటున్న అయోధ్య అక్షింతలు

జనవరి 1 నుండి 15 వరకూ దేశ వ్యాప్తంగా నిర్వహించనున్న జనజాగరణ కార్యక్రమం ద్వారా ప్రతి ఇంటికి శ్రీరాముని అక్షతలు, శ్రీరాముని చిత్రపటం, ప్రాణప్రతిష్ఠ రోజున ప్రతి కుటుంబం నిర్వహించాల్సిన కార్యక్రమాల వివరాలతో కూడిన నివేదన పత్రం అందించనున్నారు.

జనవరి 22న గర్భాలయంలో బాలరాముని విగ్రహా ప్రాణప్రతిష్ఠ కార్యక్రమాన్ని ప్రతి కుటుంబం ప్రత్యక్ష ప్రసారాల ద్వారా వీక్షించి శ్రీరామ అక్షతలు నెత్తిపై చల్లుకొని స్వామి వారి ఆశీర్వాదం పొందాలని, ఆరోజు రాత్రి ప్రతి ఇంటి ముందర 5 దీపాళు వెలిగించి పండుగ చేసుకోవాలని  శ్రీరామ జన్మభూమి తీర్థ క్షేత్ర ట్రస్టు పిలుపునిచ్చింది. సోమవారం భాగ్యనగరానికి చేరుతున్న శ్రీరామ అక్షతలకు స్వాగతం పలకడానికి నగరం సిద్ధమవుతుంది.