గుజరాత్ లోని కచ్ ప్రాంతంలో గల భుజ్ లో నవంబర్ 5 నుండి 7 వరకు రాష్ట్రీయ స్వయం సేవక్ సంఘ్ (ఆర్ఎస్ఎస్) అఖిల భారతీయ కార్యకారి మండల్ (జాతీయ కార్యవర్గం) వార్షిక బైఠక్ జరుగుతోందని ఆర్ఎస్ఎస్ అఖిల భారతీయ ప్రచార్ ప్రముఖ్ సునీల్ అంబేకర్ తెలిపారు.
ఈ సమావేశంలో, సంఘ్ కార్యక్షేత్రం ప్రకారం గల మొత్తం 45 ప్రావిన్స్‌ల సంఘచాలక్‌లు, కార్యవాహులు, ప్రాంత్ ప్రచారక్‌లు, సహ సంఘచాలక్‌లు, సహ-కార్యవాహలు, సహ-ప్రాంత్ ప్రచారక్‌లు సమావేశంలో పాల్గొంటారు. సర్ సంఘచాలక్ డాక్టర్ మోహన్ భగవత్, సర్ కార్యవాహ దత్తాత్రేయ హోసబాలే, కార్యనిర్వాహక మండలి సభ్యులందరూ కూడా ఈ సమావేశానికి హాజరవుతారు.
అంతేకాకుండా, ఎంపిక చేసిన సంస్థల సంఘటన కార్యదర్శులు కూడా సమావేశంలో పాల్గొంటారు. సంఘ్ సంస్థాగత పనిని సమీక్షించడంతో పాటు, గత నెల సెప్టెంబర్‌లో పూణెలో జరిగిన అఖిల భారత సమన్వయ సమావేశంలో లేవనెత్తిన అంశాలు, ఇటీవలి విజయదశమి సందర్భంగా సర్ సంఘచాలక్ ప్రసంగంలో ప్రస్తావించిన ముఖ్యమైన అంశాలపై కూడా చర్చిస్తారు.
జనవరి 22, 2024న అయోధ్యలో ప్రతిపాదిత రామాలయ ప్రారంభోత్సవ కార్యక్రమం, ఆ సందర్భంగా దేశవ్యాప్తంగా నిర్వహించాల్సిన కార్యక్రమాలపై కూడా సమావేశంలో చర్చిస్తారు.
More Stories
మోదీకి అండగా 60 కోట్ల మంది లబ్ధిదారుల సైన్యం
ఈడీ స్వాధీనం చేసుకున్న సొమ్మును పేదలకు చెందేలా చేస్తాం
కేజ్రీవాల్ పిఎ చెంపపై, కడుపులో కొట్టి, కాలుతో తన్నాడు