భారత్ కు స్విస్ బ్యాంకు ఖాతాదారుల మరో జాబితా

వార్షిక ఆటోమేటిక్ ఇన్ఫర్మేషన్ ఎక్స్ఛేంజ్‌లో భాగంగా స్విస్ బ్యాంక్‌లోని భారతీయ పౌరుల, సంస్థల బ్యాంక్ ఖాతాల గురించి భారత ప్రభుత్వానికి సమాచారం అందింది. దీని కింద స్విట్జర్లాండ్ దాదాపు 36 లక్షల ఆర్థిక ఖాతాల వివరాలను 104 దేశాలతో పంచుకున్నట్లు నివేదించింది.  భారత్, స్విట్జర్లాండ్ మధ్య సమాచార మార్పిడి జరగడం ఇది ఐదవసారి కావడం గమనార్హం.

కొంతమంది వ్యక్తులు, కార్పొరేట్‌లు, ట్రస్టులతో అనుబంధించన అనేక ఖాతాల కేసులతో సహా, భారత అధికారులతో పంచుకున్నారు.  వారు అందించిన సమాచారంలో పేరు, చిరునామా, నివాస దేశం, పన్ను గుర్తింపు సంఖ్యతో సహా గుర్తింపు, ఖాతా, ఆర్థిక సమాచారం, అలాగే నివేదించే ఆర్థిక సంస్థ, ఖాతా బ్యాలెన్స్, మూలధన ఆదాయానికి సంబంధించిన సమాచారం ఉన్నాయి. సమాచార మార్పిడి గోప్యత నిబంధన వల్ల అధికారులు వెల్లడించలేదు.