చంద్రబాబు మధ్యంతర బెయిల్‌ పిటిషన్‌పై విచారణ వాయిదా

ఈ కేసులో తన ప్రమేయంపై ప్రాథమిక ఆధారాలు లేకపోయినా సీఐడీ కేసు నమోదు చేసిందని పిటిషన్‌లో పేర్కొన్నారు. ఏపీఎస్‌ఎస్‌డీసీ ఛైర్మన్‌ ఇచ్చిన ఫిర్యాదులో తన పేరు లేదని కేసులో తన పేరు ఎప్పుడు చేర్చారో కనీసం చెప్పలేదని పిటిషన్‌లో తెలిపారు. ఏ ఆధారాలతో తనను నిందితుడిగా చేర్చారో చెప్పేందుకు సీఐడీ వద్ద ప్రాథమిక వివరాలు లేవని, రాజకీయ ప్రతీకారంతో దురుద్దేశపూర్వకంగా నన్ను ఈ కేసులోకి లాగారని పేర్కొన్నారు. 

ముఖ్యమంత్రి ప్రోద్బలంతో కేసులో ఇరికించారని, ఈ అంశాల్ని పరిగణనలోకి తీసుకొని తనకు బెయిలు మంజూరు చేయాలని కోరారు. ప్రధాన వ్యాజ్యంపై హైకోర్టులో తేల్చేలోపు మధ్యంతర బెయిలు ఇవ్వాలని పిటిషన్లో కోరారు. దీనిపై విచారణ చేపట్టిన అనిశా కోర్టు విచారణను ఈ నెల 19కి వాయిదా వేసింది. మరోవైపు చంద్రబాబు తరపున మధ్యంతర బెయిల్‌కు ప్రత్యేక కారణాలు చెప్పలేదని సిట్‌ అభ్యంతరం తెలిపింది.