మనుబోలు- గూడూరు విద్యుదీకరణతోపాటు మూడో లైన్

దక్షిణ మధ్య రైల్వే అంతటా మౌలిక సదుపాయాల కార్యకలాపాల కల్పనకు ప్రాముఖ్యతనిస్తూ డబ్లింగ్ మరియు ట్రిప్లింగ్ ప్రాజెక్టులపై ప్రత్యేక దృష్టి సారించింది. ఈ దిశలో ఆంధ్ర ప్రదేశ్ లో విద్యుదీకరణతో పాటు ప్రధాన ట్రిప్లింగ్ ప్రాజెక్ట్  అయిన విజయవాడ – గూడూరు ట్రిప్లింగ్ ప్రాజెక్ట్ శర వేగముగా  పురోగమిస్తోంది. 

దీనిలో భాగముగా  జోన్ మరో కీలకమైన సెక్షన్‌ అయిన  మనుబోలు – గూడూరు మధ్య 7.4 కి.మీ దూరం వరకు పూర్తి చేసి ప్రారంభించింది . దీనివల్ల గ్రాండ్ ట్రంక్ మార్గం వంటి రద్దీ మార్గాలలో  రద్దీని తగ్గించడంలో సహాయపడుతూ రైలు కార్యకలాపాలను సులభతరం చేస్తుంది. ఈ రైలు మార్గం తిరుపతి జిల్లా పరిధిలోకి వస్తుంది.

దీనివలన  గూడూరు – సింగరాయకొండ మధ్య 127 కిలోమీటర్ల  పరిధిలో నిరంతరాయంగా విద్యుదీకరణతో పాటు మూడో లైన్ సౌకర్యం అందుబాటులోకి వచ్చింది. దక్షిణ మధ్య రైల్వే పరిధిలోని విజయవాడ-గూడూరు మధ్య గ్రాండ్ ట్రంక్ మార్గంలో, ఆంధ్రప్రదేశ్‌లోని తీరప్రాంతం వెంబడి ఉన్న ఈ సెక్షన్, దేశంలోని ఉత్తర, తూర్పు ప్రాంతాలను దక్షిణాది రాష్ట్రాలతో అనుసంధానించడంలో కీలక పాత్ర పోషిస్తుంది. 

ప్యాసింజర్, సరకు రవాణా  రైళ్లలో స్థిరమైన పెరుగుదలతో ఈ మార్గం అత్యంత రద్దీగా మారింది. ఈ కీలకమైన సెక్షన్‌లో రద్దీని తగ్గించేందుకు, విజయవాడ – గూడూరు మూడవ లైన్ ప్రాజెక్ట్ 2015-16లో 288 కి .మీల దూరానికి సుమారు రూ.3246 కోట్లతో మంజూరు చేయబడింది. ఈ ప్రాజెక్ట్ను  రైల్ వికాస్ నిగమ్ లిమిటెడ్ నిర్వహిస్తోంది.

అన్ని విభాగాల్లో ఏకకాలంలో పనులు చేపట్టారు.  ఇప్పటి వరకు ఉలవపాడు- మనుబోలు మధ్య 120 కిలోమీటర్లు, చీరాల-కరవాడి మధ్య 44 కిలోమీటర్ల మేర సెక్షన్లు పూర్తిచేసి విజయవంతంగా ప్రారంభమయింది. ఇప్పుడు, జోన్  దక్షిణ చివరలో ఉన్న మనుబోలు- గూడూరు మధ్య ముఖ్యమైన సెక్షన్ పూర్తి చేయడంతో, మొత్తం సెక్షన్‌లోని 171 కిలోమీటర్లు మూడవ లైన్‌తో పాటు విద్యుద్దీకరణ పూర్తయింది.

మనుబోలు- గూడూరు సెక్షన్ మధ్య ట్రిప్లింగ్, విద్యుదీకరణద్యుద్దీకరణ పనులను పూర్తి చేసిన విజయవాడ డివిజన్‌లోని మొత్తం బృందాన్ని, ఆర్ వీ ఎన్ ఎల్  అధికారులను జనరల్ మేనేజర్ అరుణ్ కుమార్ జైన్ అభినందించారు. 

విజయవాడ- గూడూరు మధ్య మూడో లైన్‌ పనులను అత్యంత ప్రాధాన్యతతో చేపడుతున్నామని, అన్ని విభాగాలలో ఏకకాలంలో పనులు వేగంగా జరుగుతున్నాయని చెప్పారు. ఈ ప్రాజెక్ట్ పూర్తయిన తర్వాత, రద్దీగా ఉండే ఈ మార్గంలో రద్దీని తగ్గిస్తుందని, రైలు కార్యకలాపాల సామర్థ్యాన్ని మెరుగుపరచడంలో కూడా సహాయపడుతుందని ఆయన వివరించారు.