బీజేపీ రాష్ట్ర అధ్యక్షుడిగా నియమితులైన కేంద్ర మంత్రి జి. కిషన్రెడ్డి ఆ బాధ్యతలను ఈ నెల 21న అధికారికంగా స్వీకరించబోతున్నారు. ఈ మేరకు నాంపల్లిలోని పార్టీ రాష్ట్ర కార్యాలయంలో కిషన్రెడ్డి చాంబర్ సిద్ధమవుతోంది.
వాస్తవానికి 20రోజుల క్రితమే కిషన్రెడ్డి తెలంగాణ పార్టీ అధ్యక్షుడిగా నియమితులైనా ఆషాడ మాసం నేపథ్యంలో ఆయన అధికారికంగా బాధ్యతలు స్వీకరించేందుకు ఇష్టపడలేదు. ప్రస్తుతం ఆషాడం పూర్తయి శ్రావణమాసం మొదలైన నేపథ్యంలో ఈ నెల 21న ఆయన అధికారికంగా బీజేపీ తెలంగాణ రాష్ట్ర అధ్యక్షుడిగా బాధ్యతలు స్వీకరించనున్నారు.
ప్రస్తుతం విదేశీ పర్యటనలో ఉన్న కిషన్రెడ్డి బుధవారం రాత్రి తిరిగి స్వదేశానికి చేరుకోనున్నారు. ఆ తర్వాత ఢిల్లిలో పార్టీ జాతీయ అధ్యక్షుడు నడ్డాను కలిసి త్వరలో రానున్న తెలంగాణ అసెంబ్లి ఎన్నిలకు పార్టీ శ్రేణులను ఎలా సంసిద్ధం చేయాలన్న అంశంతోపాటు కీలక నేతల వ్యవహారశైలిపైనా చర్చించనున్నారు.
పార్టీ రాష్ట్ర అధ్యక్షుడిగా బాధ్యతలు స్వీకరించిన తర్వాత తొలి పర్యటనను ఈ నెల 23న ఖమ్మం జిల్లాలో కిషన్రెడ్డి జరపనున్నారు. ఈ నెల 29న ఖమ్మంకు పార్టీ అగ్రనేత, కేంద్ర హోంశాఖ మంత్రి అమిత్ షా వస్తున్న నేపథ్యంలో బహిరంగ సభ ఏర్పాట్లపై పార్టీ శ్రేణులను సమాయత్తం చేసేందుకు ఖమ్మంలో సన్నాహక సమావేశాన్ని నిర్వహించనున్నారు.
తెలంగాణకు చేరుకున్న తర్వాత ఈ నెల 20న బాటసింగారంలో డబుల్ బెడ్రూం ఇళ్లను కిషన్రెడ్డి పరిశీలించనున్నారు. భారీ కాన్వాయ్తో ఆయన అక్కడకు వెళ్తారని తెలుస్తోంది. పేదలకు డబుల్ ఇళ్ల పంపిణీలో జాప్యంపై రాష్ట్ర ప్రభుత్వాన్ని ప్రశ్నించడం ద్వారా ఆయన పార్టీ రాష్ట్ర అధ్యక్షుడిగా తన మార్కు పనితీరును కొనసాగించే అవకాశాలు ఉన్నాయని ముఖ్యనేతలు చెబుతున్నారు. డబుల్ ఇళ్ల నిర్మాణంలో జాప్యంపై 24న జిల్లా కేంద్రాల్లో, 25న ఇందిరా పార్కు వద్ద ధర్నాలకు బీజేపీ రూపకల్పన చేసింది
More Stories
అమిత్ షా ఫేక్ వీడియో కేసులో అర్జున్ రెడ్డి అరెస్ట్
రోహిత్ వేముల ఆత్మహత్య కేసుపై పునర్విచారణ
ఫోన్ ట్యాపింగ్ లో మాజీ ఎస్ఐబీ చీఫ్ కోసం పిటిషన్