ఎన్నో అవరోధాలు ఎదుర్కొంటున్నా… తమిళసై

ఆరోగ్యశ్రీ, ఆయుష్మాన్ భారత్ వంటి పథకాలు పేదలకు మెరుగైన వైద్యం అందించడానికి ఎంతగానో ఉపయోగపడతాయని చెబుతూ గతంలో సీఎం కేసీఆర్ తో మాట్లాడి ఆయుష్మాన్ భారత్ తెలంగాణలో అమలయ్యేలా చేశామని ఆమె గుర్తు చేశారు. డబ్బును లెక్కబెడుతున్నాం కానీ క్యాలరీలు లెక్కించడంలేదని ఆమె విచారం వ్యక్తం చేశారు.

ఒక్క మహిళ విజయం 1000 మంది పురుషుల విజయంతో సమానమని గవర్నర్ తమిళిసై తెలిపారు. జీవితంలో సవాళ్లు ఎదుర్కోవాలంటే సంపూర్ణ ఆరోగ్యం అవసరమని చెబుతూ ప్రతి ఒక్కరి జీవితంలో యోగా ఎంతో అవసరమని ఆమె స్పష్టం చేశారు.

మెడికల్ షాపుల్లో ధరలు చూసి రోగులకు మరింత ఆరోగ్యం పాడవుతుందని గవర్నర్ హెచ్చరించారు. జనరిక్​ మందులను ప్రభుత్వం చాలా తక్కువ ధరకు అమ్ముతున్నట్లు ఆమె గుర్తు చేశారు. ఈ కార్యక్రమానికి గవర్నర్ పాటు కీర్తి రెడ్డి ఫౌండేషన్ అధ్యక్షురాలు కీర్తి రెడ్డి, కేంద్ర మంత్రి కిషన్ రెడ్డి సతీమణి కావ్య రెడ్డి కూడా పాల్గొన్నారు. కార్యక్రమంలో నిర్వహించిన వైద్య శిబిరంలో పలువురికి కేంద్ర ప్రభుత్వం అందిస్తున్న ఉచిత కిట్లను పంపిణీ చేశారు