హర్యానా ముఖ్యమంత్రి మనోహర్ లాల్ ఖట్టర్ అర్చకుల సంక్షేమ బోర్డును ఏర్పాటు చేస్తామని ప్రకటించడం ద్వారా చారిత్రాత్మకమైన అడుగు వేశారని విశ్వహిందూ పరిషత్ జాయింట్ జనరల్ సెక్రటరీ డాక్టర్ సురేంద్ర జైన్ హర్షం ప్రకటించారు. ప్రస్తుత పరిస్థితుల్లో జేబులు నింపుకునేందుకు దేశ వ్యాప్తంగా ప్రభుత్వ ఖజానాను కొల్లగొట్టే పోటీ నడుస్తుండగా అర్చకుల సంక్షేమంపై పట్టున్న హర్యానా ముఖ్యమంత్రి మిగిలిన ముఖ్యమంత్రులకు ఆదర్శంగా నిలిచారని ఆయన కొనియాడారు.
ఈ బోర్డు ఏర్పాటు హిందూ మతం, దానిని పోషించే పూజారుల అభివృద్ధిలో ఒక ముఖ్యమైన దశగా నిరూపించబడుతుందని అయన విశ్వాసం వ్యక్తం చేశారు. హర్యానా ముఖ్యమంత్రి ఈ చర్యను విశ్వహిందూ పరిషత్ అభినందిస్తోందని పేర్కొంటూ అర్చకుల అభివృద్ధి కోసం నిర్వహించే కార్యక్రమాలను ముందుకు తీసుకెళ్తామని డా. జైన్ హామీ ఇచ్చారు.
అర్చకుల అభివృద్ధికి విశ్వహిందూ పరిషత్ ఇప్పటికే కృతనిశ్చయంతో ఉందని ఆయన తెలిపారు. దేశవ్యాప్తంగా అర్చకుల అభివృద్ధి కోసం వీహెచ్‌పీ పలు కార్యక్రమాలను నిర్వహిస్తోందని చెబుతూ అయితే లౌకిక ప్రభుత్వాల నిర్లక్ష్యం వల్ల అర్చకుల సంక్షేమం గురించి అర్చకుడు చింతించలేకపోయాడని ఆయన పేర్కొన్నారు.
ఇప్పుడు పూజారి పురోహిత్ వెల్ఫేర్ బోర్డు ఏర్పాటైన తర్వాత నిర్లక్ష్యానికి గురైన అర్చకులు, అర్చకులు స్వయం సమృద్ధి సాధించడమే కాకుండా ఆత్మగౌరవ జీవనం సాగించేందుకు తోడ్పాటు అందిస్తామని డా. జైన్ తెలిపారు. ఇప్పుడు వారు తమ మతం, సమాజ అభివృద్ధికి తమ పాత్రను సమర్ధవంతంగా, సౌకర్యవంతంగా నిర్వహించగలుగుతారని ఆయన భరోసా వ్యక్తం చేశారు. ఈ పథకాన్ని ప్రభావవంతంగా అమలు చేసేందుకు వీహెచ్‌పీ ఎంతైనా సహకారం అందిస్తుందని డాక్టర్ జైన్ హామీ ఇచ్చారు.
More Stories
మణిపుర్‌ ప్రజలారా మీ వెంట నేనున్నా….
ఓటు బ్యాంకు రాజకీయాలతో నష్టపోతున్న ఈశాన్యం
అభద్రతా భావంతోనే అమెరికా సుంకాలు