ప్రధాని మోదీ కేదార్‌నాథ్ దేవాలయంలో ప్రత్యేక పూజలు

ప్రధాని ఇటీవల హిమాచల్ ప్రదేశ్‌లో పర్యటించినపుడు ఆ రాష్ట్ర మహిళలు ఈ సంప్రదాయ దుస్తులను ఆయనకు బహూకరించారు. చంబా జిల్లాలో మహిళలు చేతితో ఈ దుస్తులను తయారు చేస్తారు. వీటిని స్వీకరించిన మోదీ తాను శీతల ప్రాంతాలకు వెళ్లినపుడు ఈ దుస్తులను ధరిస్తానని వారికి హామీ ఇచ్చారు.

దీంతోపాటు కేదార్‌నాథ్, బదరీనాథ్ ధామ్‌లలో అనేక కనెక్టివిటీ ప్రాజెక్టులను నిర్మిస్తారు. ఎన్‌హెచ్-7 రోడ్డు విస్తరణ ప్రాజెక్టుకు కూడా శంకుస్థాపన చేస్తారు.  హృషీకేశ్, జోషీమఠ్, బదరీనాథ్‌లను డెహ్రాడూన్, చండీగఢ్, ఎన్‌హెచ్-107లను ఈ ప్రాజెక్టులు కలుపుతాయి.

రుద్ర ప్రయాద్ నుంచి గౌరీకుండ్ వరకు అనుసంధానమవుతుంది. ఆదిగురువు శంకరాచార్యుల సమాధి స్థలాన్ని కూడా ప్రధాని  సందర్శించనున్నారు. దీంతో పాటు కేదార్‌నాథ్‌లోని మందకి అస్త పథం, సరస్వతీ అస్థి పథాలను మోడీ పరిశీలించనున్నారు. అక్కడ జరుగుతున్న అభివృద్ధి పనుల పురోగతిని సమీక్షించనున్నారు. 

ఆ తర్వాత బద్రీనాథ్ ధామ్‌కు చేరుకుని ఆలయాన్ని సందర్శించి పూజలు చేసిన అనంతరం రివర్ ఫ్రంట్ అభివృద్ధి పనుల పురోగతిని ప్రధాని సమీక్షిస్తారు.  మోదీ రాక సందర్భంగా కేదార్‌నాథ్, బదరీనాథ్ దేవాలయాలను ప్రత్యేకంగా అలంకరించారు. రకరకాల పువ్వులతో ఆకర్షణీయంగా తీర్చిదిద్దారు. ఈ సందర్భంగా భద్రతను కట్టుదిట్టం చేసినట్లు  ఇండో-టిబెటన్ బోర్డర్ పోలీస్ అదనపు డైరెక్టర్ జనరల్ మనోజ్ రావత్ చెప్పారు.