సర్పంచుల అధికారాలకు కత్తెర వేస్తున్న టీఆర్‌ఎస్‌ ప్రభుత్వం

ఈ సందర్భంగా టీఆర్‌ఎస్‌ పార్టీ 2014లో విడుదల చేసిన మ్యానిఫెస్టో.25 పేజీలో అనే అంశం కింద స్థానిక సంస్థలకు అధికారాల బదలాయింపు చేస్తామని, 73, 74 రాజ్యాంగ సవరణలకు అనుగుణంగా పంచాయతీరాజ్‌ వ్యవస్థలకు యుద్ధప్రాతిపదికన అధికార బదలాయింపు చేసి ఈ సంస్థలను పటిష్టం చేయాలనే ధృడనిశ్చయంతో ఉందని పేర్కొన్నారని గవర్నర్ కు తెలిపారు. అయితే పంచాయతీల అభివృద్ధికోసం టీఆర్‌ఎస్‌ మ్యానిఫెస్టోలో చెప్పిన హామీలు నీటి మీద రాతలుగానే మిగిలిపోయాయని వారు విమర్శించారు.

 గ్రామాల అభివృద్ధి కోసం అప్పులు చేసి సర్పంచులు చిత్తశుద్ధితో పనిచేస్తున్నారని,  ఒక్కో గ్రామ పంచాయతీకి రెండు లక్షల నుండి రూ 20 లక్షల వరకు ప్రభుత్వం వద్ద బిల్లులు పెండిరగ్‌లో ఉన్నాయని తెలిపారు.  నిధులు మంజూరు చేసినట్లుగా జీ.వో.లు ఇస్తూ ప్రభుత్వం అకౌంట్లు ఫ్రీజ్‌ చేస్తోందని, ఇదేమని అడిగిన వారిని  సస్పెండ్‌ చేస్తామని, చెక్‌పవర్‌ రద్దు చేస్తామంటూ బెదిరిస్తూ,  అవమాన పరుస్తూ వారి హక్కులను కాలరాస్తున్నారని వారు గవర్నర్ కు వివరించారు.

గ్రామాలలో చాలా పనులకు కేంద్రమే నిధులు సమకూరుస్తున్నదని చెబుతూ మరోపక్క రాష్ట్రం తన వాటా డబ్బు చెల్లించకపోవడం కేంద్రంలోని బిజెపి ప్రభుత్వం ఇస్తున్న డబ్బులను సైతం పక్కదారి పట్టించడం వల్ల సర్పంచుల పరిస్థితి అగమ్య గోచరంగా మారిందని తెలిపారు.  కేంద్రంలోని బిజెపి ప్రభుత్వం పల్లెల ప్రగతి కోసం ఎన్ని సంక్షేమ కార్యక్రమాలకు నిధులు కేటాయిస్తున్నా రాష్ట్రంలోని టీఆర్‌ఎస్‌ ప్రభుత్వ వైఖరి వల్ల ఆశించిన ఫలితాలు రావడం లేదని వారు విచారం వ్యక్తం చేశారు. 

కాగా, హుస్నాబాద్ నియోజకవర్గంలో గౌరవేల్లి,గండి పేల్లి ప్రాజెక్ట్ భూ నిర్వాసితుల పైన పోలీసులు అక్రమ లాఠీ ఛార్జ్ చేశారని, జూన్13  అర్ధరాత్రి దాటిన తర్వాత 3 గంటల ప్రాంతంలో దాదాపు 500 మంది బలగాలతో గుడాటిపల్లి లో ప్రవేశించిన పోలీసులు ఆ గ్రామంలో కరెంట్ కట్ చేసి ప్రతి ఇంటిలోకి దౌర్జన్యంగా దూరి విచక్షణా రహితంగా లాఠీచార్జి చేశారని వారు గవర్నర్ కు తెలిపారు.  పిల్లలు, మహిళలు, వృద్దులు అని చూడకుండా పోలీసులు దాడి చేశారని చెప్పారు.