టివిలో మాత్రమే కనిపిస్తున్న మత అసహనం 

దేశంలో మత అసహనం టీవీల్లోనే కనిపిస్తోందని ఇషా ఫౌండేషన్ వ్యవస్థాపకులు సద్గురు జగ్గీ వాసుదేవ్ స్పష్టం చేశారు. నిజానికి దేశంలో గత దశాబ్ద కాలంలో పెద్ద పెద్ద మత ఘర్షణలేవీ జరగలేదని గుర్తు చేశారు. టీవీ స్టూడియోల్లో మాత్రం దేశంలో మత అసహనం పెరిగిపోతోందంటూ వాడివేడి చర్చలు జరుగుతున్నాయని ఆయన విచారం వ్యక్తం చేశారు.

ఓ వార్త సంస్థకు ఇచ్చిన ఇంటర్వ్యూలో మాట్లాడుతూ తాను చదువుకునేటప్పుడు మతపరమైన పెద్ద పెద్ద అల్లర్లు జరిగాయని, కానీ గత పదేళ్లలో అలా జరిగిన  సందర్భాలేవీ లేవని గుర్తు చేశారు. ఇటీవల ప్రారంభించిన ‘సేవ్ సాయిల్’ (భూసార పరిరక్షణ) ఉద్యమంలో భాగంగా 27 దేశాల్లో 30 వేల కిలోమీటర్ల మోటార్ సైకిల్ యాత్రను పూర్తిచేసి సద్గురు ఇటీవలే దేశానికి వచ్చారు.

టీవీ చర్చర్లలో అప్పుడప్పుడు మతపరమైన అంశాలపై జోరుగా చర్చలు సాగడం నిజమేనని, కానీ వీధుల్లోకి వచ్చే సరికి అలా జరిగిన సంఘటనలు లేవనే చెప్పాలని సద్గురు అభిప్రాయపడ్డారు. ఈ విషయంలో మనం కొంచెం అతి చేస్తామనే తాను అనుకుంటున్నట్టు చెప్పారు. ఢిల్లీలోనే కాదు, దేశంలోని ఏ గ్రామంలోనూ ఇలాంటి అసహనం కానీ, హింస కానీ, మరోటి కానీ లేనే లేదని ఆయన స్పష్టం చేశారు.

అయితే, దురదృష్టవశాత్తు అలాంటి కొన్ని చిన్న చిన్న ఘటనలు జరిగి ఉండొచ్చని చెప్పారు. ఢిల్లీ, మధ్యప్రదేశ్, రాజస్థాన్, ఉత్తరప్రదేశ్‌లలో జరిగిన హింసాత్మక ఘటనలతోపాటు భారత్‌లోని ప్రార్థనా మందిరాల్లో దాడులు పెరుగుతున్నాయంటూ అమెరికా మంత్రి ఆంటోనీ బ్లింకెన్ చేసిన వ్యాఖ్యల నేపథ్యంలో సద్గురు ఈ వ్యాఖ్యలు చేశారు.  

“మనం విషయాలను కొంచెం అతిశయోక్తి చేస్తున్నామని నేను అనుకుంటున్నాను. అవును, కొన్ని సమస్యలు చర్చకు వచ్చాయి.  టెలివిజన్ ఛానెల్‌లలో చాలా వేడి ఉంది. మీరు వీధిలో ఎక్కడా చూడలేరు. మీరు ఢిల్లీ మీదుగా నడవండి లేదా దేశంలోని ఏ గ్రామంలోనైనా అలాంటి అసహనం లేదా హింస లేదా మరేదైనా లేదు” అని దేశంలో పెరుగుతున్న మత అసహనం వాదనల గురించి అడిగినప్పుడు సద్గురు స్పష్టం చేశారు.

అయితే, హింసలో పాల్గొన్న వ్యక్తులపై చర్య తీసుకోవాలని ఆయన స్పష్టం చేశారు. అదే సమయంలో మతపరమైన అంశాలతో కూడిన సమస్యలపై చర్చలపై టీవీ స్టూడియోలలో వేడి గురించి “అతిశయోక్తి” ఉందని కూడా తెలిపారు.

“కొన్ని ఏకాభిప్రాయ సమస్యలు ఉన్నాయి. అక్కడ కొన్ని చర్చలు జరుగుతున్నాయి. అవన్నీ న్యాయస్థానంలో ఉన్నాయి. మీరు చట్టాన్ని దాని మార్గంలో వెళ్లడానికి అనుమతించాలి. కానీ ఇప్పుడు మీరు ఊపందుకున్న తర్వాత, ప్రజలు అన్ని ప్రాంతాలకు వెళ్లడానికి ఉత్సాహంగా ఉన్నారు. ఓ  ప్రాంతంలో ఎన్నికలు లేదా మరేదైనా ఉంటే, ప్రజలు ఈ పనులు చేయడానికి దీనిని ఉపయోగిస్తారు,” అంటూ ఉద్రిక్తలు పెరగడాన్ని వివరించారు.

ఇషా ఫౌండేషన్ వ్యవస్థాపకుడు తన గ్రాడ్యుయేషన్ రోజులలో మతపరమైన హింసాత్మక సంఘటనలను “సాధారణం”గా జరుగుతూ ఉండేవని గుర్తు చేశారు. అయితే గత 25 ఏళ్లలో మతపరమైన హింస గణనీయంగా తగ్గిన్నట్లు ఆయన స్పష్టం చేశారు.

“మేము విశ్వవిద్యాలయంలో చదువుతున్నప్పుడు, దేశంలో పెద్ద మతపరమైన అల్లర్లు జరగని ఒక్క సంవత్సరం కూడా లేదు. ప్రతి సంవత్సరం, జరుగుతూ ఉండెడివి. ఎక్కడో ఒక చోట పెద్ద అల్లర్లు జరిగేవి. నేను కనీసం గత 5-6 సంవత్సరాలు లేదా బహుశా 10 సంవత్సరాలలో (మత హింస గురించి) వినలేదు. మీరు అలాంటి వాటి గురించి వినలేదు. దురదృష్టవశాత్తు కొన్ని ఫ్లాష్ పాయింట్లు జరిగాయి. కానీ మనదేశంలో సాధారణంగా జరిగేవని భావించిన పెద్ద పెద్ద మత హింసాయుత సంఘటనలు ఇప్పుడు జరగడం లేదు.ఇది చాలా సానుకూల విషయం,” అని సద్గురు తెలిపారు.

నిత్యం సమస్యలు సృష్టించడం కోసం వెతుకుతూ ఉండేవారు కొందరు ఉంటారని చెబుతూ  చట్టం అటువంటి  వ్యక్తులనుకట్టడి చేయాలని జగ్గీ వాసుదేవ్ స్పష్టం చేశారు.  “ఎందుకంటే, అన్ని వర్గాలలో, ప్రజలు తమ జీవితాలను జాగ్రత్తగా చూసుకోవాలని కోరుకుంటారు.  వారు చదువుకోవాలని, ఉద్యోగాలు పొందాలని, మంచి జీవితాన్ని గడపాలని కోరుకుంటారు. అన్నింటికంటే, వారి కుటుంబాల్లోని మహిళలు మంచిగా జీవించాలని అనుకుంటారు. తమ మగవారు గొడవలు పెట్టుకోవడం వారికి ఇష్టం ఉండదు… వారికి సమయం, ఓపిక ఉండదు.  ఆ దిశగా ఆలోచించే ఉద్దేశం  కూడా వారికి ఉండదు. ఇలాంటి అంశాలు అన్ని చోట్లా ఉన్నాయి,” అని గుర్తు చేశారు.

భారతదేశంలో లౌకికవాదం గురించిన ప్రశ్నకు సమాధానం ఇస్తూ  “కొంతమంది తమ స్వార్థ ప్రయోజనాలతో దాని గురించి మాట్లాడతారు.  అయితే భారతదేశం అనే పదం గతంలో కంటే ఇప్పుడు చాలా ఎక్కువ గౌరవం పొందుతోంది” అని స్పష్టం చేశారు.

“చాలా మంది ప్రజలు భారతీయ ఎన్నికలను ప్రపంచంలోనే అత్యంత అద్భుతంగా భావిస్తారు. అమెరికాలో,  వారు తమ సొంత ఎన్నికల వ్యవస్థను విశ్వసించరు. తమ వ్యవస్థ నీచంగా ఉందని, భారతదేశం గొప్పగా పనిచేస్తుందని వారు భావిస్తారు. ఇది నేను అక్కడ గమనించిన సాధారణ పల్లవి. అయితే  తమ  స్వంత స్వార్థ ప్రయోజనాల కారణంగా అది, ఇది   మాట్లాడే బలమైన అభిప్రాయాలు వ్యక్తం చేసేవారు చాలా తక్కువ మంది ఉన్నారు. కానీ సాధారణంగా, భారతదేశం అనే పదానికి గతంలో కంటే ఇప్పుడు చాలా ఎక్కువ గౌరవం లభిస్తుందని నేను భావిస్తున్నాను” అని ఆయన వివరించారు.