ఈ సందర్భంగా రష్యా-ఉక్రెయిన్ పరిస్థితిపై దాదాపు 90 నిమిషాలపాటు చర్చించారు. అక్కడి భారతీయ విద్యార్థుల ఇక్కట్లను స్టాండింగ్ కమిటీ ప్రస్తావించింది. భయంతో ఉక్రెయిన్‌ను విడిచిపెడుతున్న భారతీయ విద్యార్థుల వద్ద పాస్‌పోర్టులు కూడా లేవన్న విషయాన్ని చౌదరి లేవనెత్తారు.

దీంతో స్పందించిన ష్రింగ్లా.. పాస్‌పోర్టులు లేని వారు భయపడాల్సిన అవసరం లేదని, సరిహద్దు చెక్‌పోస్టుల వద్ద విదేశాంగ శాఖ అధికారులు పాస్‌పోర్టులు లేని భారతీయలకు అత్యవసర సర్టిఫికెట్లు జారీ చేస్తున్నట్టు చెప్పారు. ఇప్పటి వరకు 5 విమానాల్లో 1200 మంది విద్యార్థులను తరలించినట్టు చెప్పారు.