ఏపీ,తెలంగాణలో గిరిజన మ్యూజియం ఏర్పాటు చెస్తం

దీనికి 25 ఎకరాలు భూమి  అవసరం ఉందని, భూమి కేటాయించాలని సీఎం కేసీఆర్ కు లేఖ రాశామని చెప్పారు. అయితేఆ లేఖకు ఇంకా రిప్లై రాలేదని తెలిపారు.  భారతదేశం మానవ నాగరికత ప్రారంభమైనప్పటి నుండి గొప్ప సాంస్కృతిక వారసత్వం కలిగిన భూమి అని కిషన్ రెడ్డి గుర్తు చేశారు.

ఆజాదీ కా అమృత్ మహోత్సవ్ ను జరుపుకుంటున్న తరుణంలో, మన సాంస్కృతిక వారసత్వాన్ని సంరక్షించడం, శాశ్వతంగా కొనసాగించడం పట్ల కేంద్ర ప్రభుత్వం దృష్టి సారించిందని తెలిపారు. భారతదేశంలోని 1000కి పైగా మ్యూజియంలు సాంస్కృతిక వారసత్వాన్ని ప్రదర్శించడంలో భవిష్యత్ తరాలకు అవగాహన కల్పించడంలో కీలక పాత్ర పోషిస్తున్నాయని పేర్కొన్నారు.

గత ఏడేళ్లుగా కొత్త మ్యూజియంలను నిర్మించడంపై దృష్టి సారిస్తున్నామని చెబుతూ ఇప్పటికే ఉన్న మ్యూజియంలను కొత్త తరానికి అనువుగా ఉండేలా అభివృద్ధి చేయడానికి కేంద్ర ప్రభుత్వం పెద్ద మొత్తంలో ఖర్చు చేస్తోందని వెల్లడించారు. దేశవ్యాప్తంగా స్వాతంత్య్ర సమరయోధుల పేరుతో 10 నూతన మ్యూజియంలను ఏర్పాటు చేయబోతున్నామని కేంద్రమంత్రి తెలిపారు.