సమతామూర్తి శ్రీ రామానుజుల ఆశయాలను అమలు చేద్దాం!

  ప్రతి వ్యక్తిలోనూ కొన్ని సామర్థ్యాలు ఉంటాయని చెప్పారు. వ్యక్తిలోని లోపాలను చూసి పరిహసించడం కాకుండా,అతని లోని గుణాలను సమాజ హితం కోసం ఉపయోగ పడేట్లు చేయాలని ఉద్భోధించారు.

ప్రతి వ్యక్తిలోని గుణ, గణాల వికాసం కోసం సంపూర్ణ సమాన అవకాశాలను అందరికీ కల్పించాలని సూచించారు.  అస్పృశ్యత పేరున సమాజానికి దూరంగా ఉంచబడిన వర్గాల ప్రజలను హరిదాసులు గా తీర్చి దిద్ది, వారికి సమాజంలో గౌరవ స్థానం కల్పించిన ఘనత సమతా మూర్తి శ్రీ రామానుజుల  వారని గుర్తు చేశారు.

మన మన సామర్ధ్యాలతో తేడాలున్నా అయిదు వేళ్ళు కలసి పని చేసి నట్లు మనమందరం అందరి మేలు కోసం కలసి పని చేయాలని చెప్పారు. ఆదిలాబాద్ జిల్లాలో అటవీ ప్రాంతంలో వందల సంవత్సరాలుగా నివసిస్తున్న గిరిజన బాలురను చక్కటి వాతావరణంలో విద్య అవకాశాలను మనం వారికి కల్పించినప్పుడు వారు ఉత్తమ మార్కులతో ఉత్తీర్ణులు కావడం మనం నడుపుతున్న పాఠశాలల్లో చూసామని పేర్కొన్నారు.