వివిధ సంస్థలకు స్మారక కేంద్రాల దత్తత 

ఈ సందర్భంగా కిషన్ రెడ్డి మాట్లాడుతూ తెలంగాణలో టూరిజం అభివృద్ధికి కేంద్ర ప్రభుత్వం పూర్తిస్థాయిలో సహకరిస్తుందని చెప్పారు. గత రెండేళ్లుగా కరోనా వల్ల దేశంలో టూరిజం కార్యక్రమాలు చాలా వరకు ఆగిపోయాయని, ప్రపంచ వ్యాప్తంగా కరోనా వల్ల టూరిజం నష్టపోయిందని కేంద్ర మంత్రి గుర్తు చేశారు.

మన దేశంలో టూరిజం అభివృద్ధి చేసుకోవడానికి అవకాశం ఎక్కువగా ఉందని, ఉత్తర భారతదేశంలోని రాష్ట్రాల్లో న్యూజిలాండ్ దేశంలోని పర్యాటక ప్రాంతాలకంటే దీటైన మంచి ప్రదేశాలు చాలా ఉన్నాయని తెలిపారు. పర్యాటక ప్రాంతాల్లో  సరైన సదుపాయాలు కల్పిస్తామని చెబుతూ దేశంలో ఉన్న వెయ్యి స్మారక కట్టడాలను వివిధ సంస్థలు దత్తత చేసుకోవడానికి ఇస్తున్నామని పేర్కొన్నారు.

రామప్ప యునెస్కో గుర్తింపు పొందిందని, పోచంపల్లి ని బెస్ట్ టూరిజం విలేజ్ కింద యునెస్కో గుర్తించిందని గుర్తు చేశారు. పోచంపల్లి లో ఫిబ్రవరి 25 న టూరిజం డే సందర్భంగా వివిధ కార్యక్రమాలు చేస్తామని చెప్పారు.