భార‌త ప్ర‌భుత్వం, మోదీకి ర‌జ‌నీకాంత్ థ్యాంక్స్‌

ర‌జ‌నీకాంత్‌కు దాదా సాహెబ్ ఫాల్కే అవార్డు రావ‌డం ప‌ట్ల‌  రెండు తెలుగు రాష్ట్రాల ముఖ్యమంత్రులు హ‌ర్షం వ్య‌క్తం చేశారు. ఈ సంద‌ర్భంగా ర‌జ‌నీకాంత్‌కు శుభాకాంక్ష‌లు తెలిపారు. 

న‌టుడిగా ద‌శాబ్దాల పాటు త‌న‌కంటూ ఒక ప్ర‌త్యేక శైలిని చాటుకుంటూ, నేటికి దేశవిదేశాల్లో కోట్లాది మంది అభిమానుల‌ ఆద‌ర‌ణ పొందుతున్న ర‌జ‌నీకాంత్‌కు దాదా సాహెబ్ ఫాల్కే అవార్డును కేంద్రం ప్ర‌క‌టించ‌డం గొప్ప విష‌య‌మ‌ని తెలంగాణ ముఖ్యమంత్రి చంద్రశేఖరరావు ప్రశంసించారు.

సినీ రంగానికి ఆయన చేసిన సేవలకు తగ్గ పురస్కారమని ఏపీ సీఎం వై ఎస్ జగన్ మోహన్ రెడ్డి కొనియాడారు. కర్ణాటకలో జన్మించిన మహారాష్ట్రీయన్, తమిళ సూపర్ స్టార్ శివాజీ రావు గైక్వాడ్ అంటూ వ్యాఖ్యానించారు. వెండితెరపై తనదైన ప్రత్యేకమైన స్టైల్‌తో, మేనరిజమ్‌తో అలరించారని తెలిపారు.