భారత్‌ బయోటెక్‌ అభివృద్ధి చేసిన కరోనా టీకా ‘కొవాగ్జిన్‌’ త్వరలో అమెరికా, బ్రెజిల్‌ ప్రజలకు అందుబాటులోకి రానున్నది. ఈ మేరకు రెండు దేశాల్లో ప్రముఖ సంస్థలతో ఒప్పందం చేసుకున్నట్టు భారత్‌ బయోటెక్‌ తెలిపింది.
అమెరికాలో కొవాగ్జిన్‌ ఉత్పత్తి, మార్కెటింగ్‌ కోసం ప్రముఖ ఫార్మా సంస్థ ‘ఒక్యుజెన్‌’తో చేతులు కలిపింది. ప్రారంభంలో భారత్‌ బయోటెక్‌ నేరుగా హైదరాబాద్‌ నుంచి కొంతమేర డోసులను పంపనుండగా, ఆ తర్వాత అక్కడే ఉత్పత్తి చేయనున్నది.
ఈ మేరకు ఒక్యుజెన్‌ సంస్థ అనుమతుల కోసం అమెరికా ఫుడ్‌ అండ్‌ డ్రగ్‌ అడ్మినిస్ట్రేషన్‌ (ఎఫ్‌డీఏ)తో చర్చలు జరుపుతున్నది. బ్రెజిల్‌లో కొవాగ్జిన్‌ సరఫరా చేసేందుకు ‘ప్రెసియా మెడికామెంటోస్‌’ సంస్థ ముందుకొచ్చింది.
ఈ నెల 7, 8 తేదీల్లో హైదరాబాద్‌కు రానున్న కంపెనీ ప్రతినిధులు.. భారత్‌ బయోటెక్‌ ప్లాంట్‌ను సందర్శించడంతోపాటు వ్యాక్సిన్‌ గురించి పూర్తి వివరాలను సేకరించనున్నారు.
More Stories
నిబంధనల ఉల్లంఘనల సాకుతో భీమా పరిహారం ఎగవేత కుదరదు!
త్వరలో భారత్‌కు మైక్రోసాఫ్ట్‌ సీఈవో సత్య నాదెళ్ల
అమెరికా ఆంక్షలతో రష్యా చమురుకు చెల్లింపు సమస్యలు!