కొత్త ఉగ్రవాద కూటమికి జాకీర్ నాయక్ నిధుల సేకరణ

వచ్చే ఏడాది 26 జనవరి రోజున భారతదేశంలో దాడులు చేసేందుకు కొత్త ఉగ్రవాద కూటమికి వాంటెడ్ ఇస్లామిక్ బోధకుడు డాక్టర్ జాకీర్ నాయక్ నిధులు సమకూరుస్తున్నారని రీసెర్చ్ అండ్ ఎనాలిసిస్ వింగ్ (ఆర్‌అండ్‌డబ్ల్యూ) ఇంటెల్ నివేదిక తెలిపింది. పాపులర్ ఫ్రంట్ ఆఫ్ ఇండియా (పీఎఫ్‌ఐ) సభ్యులు కొంతమంది రోహింగ్యాలతో కలిసి పలు భారతీయ నగరాల్లో దాడులు చేయడానికి కుట్ర చేస్తున్నారని నివేదిక హెచ్చరించింది.

రా నివేదిక ప్రకారం కొంతమంది రోహింగ్యాల మద్దతుతో పీఎఫ్‌ఐ సభ్యులు 26 జనవరి లోపు భారతదేశంలో ఉగ్రవాద దాడులు / పేలుళ్లను చేపట్టేందుకు కుట్ర చేస్తున్నాయి. ఢిల్లీ, అయోధ్య, బోధ గయ, శ్రీనగర్, చండీగఢ్‌, పశ్చిమ బెంగాల్‌లోని కోల్‌కతా నగరాన్ని టార్గెట్‌గా పెట్టుకున్నారు. మలేషియాకు చెందిన రోహింగ్యా గ్రూప్ దీనికి ఆర్థిక సహాయం అందిస్తున్నది.

ఇందుకోసం సుమారు 2,00,000 డాలర్ల నిధులను డాక్టర్ జాకీర్ నాయక్, మలేషియాకు చెందిన రోహింగ్యా నాయకుడు మొహద్ నసీర్ సమీకరిస్తున్నారు. చెన్నైకి చెందిన ఒక ఆపరేటివ్ ఈ నిధులను విదేశాల నుంచి స్వీకరించడంలో పాల్గొంటాడు. ఈ దాడులను మయన్మార్‌లో శిక్షణ పొందిన మహిళలు అమలు చేసే అవకాశాలు ఉన్నాయి. వారు నేపాల్ లేదా బంగ్లాదేశ్ నుంచి భారత్‌లోకి ప్రవేశించే అవకాశం ఉన్నదని ఆ  నివేదిక  తెలిపింది.

మలేషియాలోని రోహింగ్యా శరణార్థుల కోసం నిధుల సేకరణకు గత ఏడాది పరిశీలన పరిధిలోకి వచ్చిన రోహింగ్యా ఉగ్రవాద సంస్థ ప్రస్తుత బదిలీల సెట్‌లో పాల్గొంటుందో లేదో తెలుసుకోవడానికి నేరపరిశోధకులు ప్రయత్నిస్తున్నారని నిఘా  వర్గాలు తెలిపాయి. మనీలాండరింగ్, ద్వేషపూరిత ప్రసంగాల ద్వారా ఉగ్రవాదాన్ని ప్రేరేపించడం వంటి ఆరోపణలపై డాక్టర్‌ జకీర్‌ నాయక్‌ను 2016 నుంచి భారత్‌కు మోస్ట్‌ వాంటెడ్‌ వ్యక్తిగా ఉన్నారు.