అధికార దుర్వినియోగానికి నిరసనగా బీజేపీ దీక్ష

గ్రేటర్ ఎన్నికల్లో టీఆర్ఎస్ పార్టీ అధికార దుర్వినియోగానికి నిరసనగా బీజేపీ  నాయకులు పవాస దీక్ష చేపట్టారు. బీజేపీ జీహెచ్ఎంసీ ఎన్నికల నిర్వహణ కమిటీ కన్వీనర్ డా కె లక్ష్మణ్ ఆధ్వర్యంలో చేపట్టిన ఈ దీక్షలో పార్టీ సీనియర్ నేతలు వివేక్ వెంకటస్వామి, డీకే అరుణ, తదితరులు పాల్గొన్నారు.

పోలింగ్ కు కొన్ని గంటల ముందు అధికార పార్టీ నాయకులు పోలీసులను పెట్టుకుని విచ్చలవిడిగా డబ్బులు, మద్యం పంపిణీ చేశారని బీజేపీ నేతలు ఆగ్రహం వ్యక్తం చేశారు. ప్రజాస్వామ్యాన్ని ఖూనీ చేస్తున్న అధికార టీఆర్ఎస్ పార్టీ తీరును వ్యతిరేకిస్తూ గాంధేయ మార్గంలో దీక్ష చేపట్టినట్లు బీజేపీ నేతలు ప్రకటించారు.

గ్రేటర్ ఎన్నికలను ప్రశాంతంగా స్వేచ్చగా జరపాల్సిన ఎన్నికల కమిషన్ గులాబీ కండువా కప్పుకుని ఏకపక్షంగా వ్యవహరిస్తోందని లక్ష్మణ్ ఆరోపించారు. టీఆర్ఎస్ కు కంచుకోటగా ఉన్న దుబ్బాకలో బీజేపీ గెలవడంతో జీర్ణించుకోలేక పోతున్నారని, అందుకే గ్రేటర్ ఎన్నికలను ఆదర బాదరగా ఎన్నికలు నిర్వహిస్తోందన్నారని మండిపడ్డారు. 

ఎన్నికల కమిషన్ కూడా అధికార పార్టీకి అనుకూలంగా వ్యవహరిస్తూ.. టీఆర్ఎస్ పార్టీ కీ తొత్తుగా మారిందని,  గులాబీ కండువా కప్పుకున్నట్లు కుట్ర పూరితంగా వ్యవరిస్తోందని ఆయన ఆరోపించారు. తండ్రీ కొడుకులు అధికార దుర్వినియోగం తో గెలవాలని చూస్తున్నారని ధ్వజమెత్తుతూ అయితే  ప్రజలు మాత్రం అన్ని విషయాలు గమనిస్తున్నారని ఆయన హెచ్చరించారు. 

ఎన్నికల్లో టీఆర్ఎస్ తీరును వ్యతిరేకిస్తూ చేపట్టిన దీక్షలో ఆమె పాల్గొని మాట్లాడారు. అధికార యంత్రాంగం మొత్తం టీఆర్ఎస్ కు తొత్తులుగా మారారని బిజెపి జాతీయ ఉపాధ్యక్షురాలు డీకే అరుణ ధ్వజమెత్తారు.  మైలార్ దేవ్ పల్లి లో ఎమ్మెల్యే  నే తన అనుచరులు తో  బీజేపీ కార్యకర్తల పై దాడులకు పాల్పడ్డారని ఆరోపించారు. 

నిన్న రాత్రి  నెక్లెస్ రోడ్డు లో టీ తాగి వెళ్తున్న సంజయ్ పై దాడికి ప్రయత్నాలు చేశారని, అంత జరుగుతున్నా అక్కడ  ఒక్కరిద్దరు పోలీసులు తప్ప ఎలాంటి పోలీస్ ఫోర్స్ లేదని ఆమె మండిపడ్డారు. సంజయ్ ను హత్య చేసేందుకు ప్లాన్ చేశారని ఆమె ఆరోపించారు.