ఈ నెల 30 నుంచి ఏపీ అసెంబ్లీ సమావేశాలు ప్రారంభం కానున్నాయి. ఈ మేరకు అసెంబ్లీ కార్యదర్శి నోటిఫికేషన్ జారీ చేశారు. నవంబర్ 30న ఉదయం 9 గంటలకు శాసనసభ సమావేశాలు ప్రారంభంకానున్నాయి.
ఐదు రోజుల పాటు అసెంబ్లీ సమావేశాలు నిర్వహించే అవకాశం ఉన్నట్లు తెలుస్తోంది. ఇదిలా ఉంటే 30న స్పీకర్ తమ్మినేని సీతారాం అధ్యక్షతన బీఏసీ సమావేశం జరగనుంది. ఈ సమావేశంలో ఎన్ని రోజులు సభను నిర్వహించాలి. అలాగే అసెంబ్లీ సమావేశాల అజెండాను స్పీకర్ ఖరారు చేయనున్నారు.
మరోవంక, రేపు ఉదయం 11 గంటలకు ఏపీ కేబినెట్‌ భేటీ కానుంది. ఈ సమావేశంలో అసెంబ్లీలో అనుసరించాల్సిన వ్యూహంపై ముఖ్యమంత్రి వై ఎస్ జగన్ మోహన్ రెడ్డి దిశా నిర్దేశం చేయనున్నారు. ముఖ్యంగా అసెంబ్లీలో ప్రవేశ పెట్టబోయే బిల్లులపై చర్చిస్తారు.
అంతేగాకుండా రాష్ట్రంలో నివర్ తుఫాన్‌, పంట నష్టం అంచనాలపై సీఎంకు మంత్రులు, అధికారులు వివరిస్తారు. ఈ భేటీలో స్థానిక ఎన్నికలపై కూడా చర్చించే అవకాశం ఉంది. కోవిడ్ వ్యాక్సిన్‌ పంపిణీకి కావాల్సిన ఏర్పాట్లపై సీఎం జగన్ మంత్రులతో చర్చిస్తారు.
More Stories
దుర్గగుడి అభివృద్ధికి త్వరితగతిన మాస్టర్‌ప్లాన్‌
జిఎస్‌టి ఆదాయం తగ్గడంపై ఏపీ ఆర్థికశాఖ ఆందోళన
మహిళా క్రికెటర్ శ్రీచరణికి గ్రూప్1 ఉద్యోగం, రూ. 2.5 కోట్ల నగదు