దళారుల బెదిరింపుల నుంచి రైతులకు విముక్తి

మరోవంక, కేంద్ర వ్యవసాయ శాఖ మంత్రి నరేంద్ర సింగ్ తోమర్ పలువురు రైతులకు మిఠాయిలు తినిపించారు. వ్యవసాయ బిల్లులకు  పార్లమెంట్ ఉభయ సభలు ఆమోదం తెలిపిన నేపథ్యంలో కొన్ని రైతు సంఘాలు ఢిల్లీ విజయ్ చౌక్‌లోని వ్యవసాయ మంత్రి నివాసానికి వెళ్లి అభినందనలు తెలిపారు.

వ్యవసాయ బిల్లులను పార్లమెంట్ ఆమోదించడంపట్ల హర్షం వ్యక్తం చేశారు. ఈ సందర్భంగా తోమర్ పలువురు రైతులకు మిఠాయిలు తినిపించారు. 70 ఏండ్లుగా రైతులు అనుభవిస్తున్న అన్యాయం నుంచి వారికి విముక్తి లభించిందని చెప్పారు.

ఇప్పటి వరకు రైతులు తమ వ్యవసాయ ఉత్పత్తులను మండీలో అన్యాయమైన ధరలకు అమ్మవలసి వచ్చిందన్నారు. ఇప్పుడు వారు సొంతంగా నిర్ణయించిన ధరలకు వాటిని అమ్మ్ముకోవచ్చని చెప్పారు. కనీక మద్దతు ధరలు ఉంటాయన్న తోమర్, ఈ రోజు చారిత్రాత్మక రోజని అన్నారు.