ప్రమాదం అంచున రాజస్థాన్ ప్రభుత్వం 

ఎన్నికలకు ముందు నుంచి సీఎం కుర్చీని ఆశించి, కాంగ్రెస్‌ పెద్దల జోక్యంతో డిప్యూటీ సీఎం పదవితో సరిపెట్టుకున్న సచిన్‌ పైలట్‌ ఇప్పుడు తిరుగుబాటు బావుటా ఎగురవేశారు! ముందు నుంచీ సీఎం గెహ్లోత్‌ తీరుపై అసంతృప్తితో ఉన్న ఆయన వెంట 25 మంది ఎమ్మెల్యేలు ఉండగా శనివారం రాత్రికి రాత్రే ఆయన 16 మంది కాంగ్రెస్‌ ఎమ్మెల్యేలు, ముగ్గురు స్వతంత్రులతో కలిసి ఢిల్లీ చేరారు.

అతని వెంట ఉన్న మరో 9 మంది కాంగ్రెస్‌ ఎమ్మెల్యేలు ఉదయానికల్లా ఢిల్లీ చేరుతారని తెలిసింది. అక్కడ ఐటీసీ హోటల్‌లో శిబిరాన్ని ఏర్పాటు చేశారు. ఏ క్షణాన్నైనా సచిన్‌తో పాటు మిగతా ఎమ్మెల్యేలు బీజేపీలో చేరే అవకాశాలున్నాయని భావిస్తున్నారు. 

కాగా, అశోక్ గెహ్లాట్ ఆరోప‌ణ‌లు శుద్ధ అబ‌ద్ధ‌మ‌ని బీజేపీ కొట్టిపారేసింది. అశోక్ గెహ్లాట్ ఒక క‌న్నింగ్ పొలిటీషియ‌న్ అని రాజ‌స్థాన్ బీజేపీ అధ్య‌క్షుడు స‌తీష్ పూనియా విమ‌ర్శించారు. త‌న ప‌రిపాల‌నా వైఫ‌ల్యాల‌ను క‌ప్పపుచ్చుకోవ‌డానికి గెహ్లాట్ బీజేపీపై త‌ప్పుడు ఆరోప‌ణ‌లు చేస్తున్నార‌ని ఆయ‌న మండిప‌డ్డారు. నిజానికి ఎవ‌రు రాజ‌స్థాన్ ప్ర‌భుత్వాన్ని కూల్చేందుకు చూస్తున్నారో గెహ్లాట్‌కు తెలుసని పూనియా ఎద్దేవా చేశారు.