ఇండోనేసియాలో పిల్లలకు సోషల్ మీడియా నిషేధం

సోషల్ మీడియా వినియోగదారులకు కనీస వయస్సును నిర్ణయించడానికి ఒక నిబంధనను జారీ చేయాలని యోచిస్తోందని ఇండోనేషియా పేర్కొంది. ఈ చర్య పిల్లలను రక్షించే లక్ష్యంతో చేస్తున్నట్లు ఆ దేశ కమ్యూనికేషన్ మంత్రి తెలిపారు. 16 ఏళ్లలోపు పిల్లలు సోషల్ మీడియాను యాక్సెస్ చేయకుండా నిషేధించాలని ఆస్ట్రేలియా తీసుకున్న నిర్ణయం తర్వాత ఈ ప్రణాళికలు రూపొందించారు. 

ఇన్‌స్టాగ్రామ్, ఫేస్‌బుక్ యజమాని మెటా నుండి టిక్‌టాక్ వరకు టెక్ దిగ్గజాలు పిల్లలు తమ ప్లాట్‌ఫామ్‌లను యాక్సెస్ చేయకుండా నిరోధించడంలో విఫలమైతే వారికి జరిమానాలు విధించబడతాయి. ఇండోనేషియాలో కనీస వయస్సు ఎంత ఉంటుందో మంత్రి ముత్య హఫీద్ చెప్పలేదు. డిజిటల్ స్పేస్‌లో పిల్లలను ఎలా రక్షించాలో తాము చర్చించామని ఆమె అధ్యక్ష కార్యాలయం యొక్క యూట్యూబ్ ఛానెల్‌లో అప్‌లోడ్ చేసిన వీడియోలో చెప్పారు. 

ఇండోనేషియా ఇంటర్నెట్ సర్వీస్ ప్రొవైడర్ల సంఘం 8,700 మంిప నిర్వహించిన సర్వ ప్రకారం, దాదాపు 280 మిలియన్ల జనాభా కలిగిన ఇండోనేషియాలో ఇంటర్నెట్ వ్యాప్తి గత సంవత్సరం 79.5%కి చేరుకుంది. 12 ఏళ్ల లోపు పిల్లలలో 48% మందికి ఇంటర్నెట్ యాక్సెస్ ఉందని, ఆ వయసులోని కొంతమంది ప్రతివాదులు ఫేస్‌బుక్, ఇన్‌స్టాగ్రామ్ మరియు టిక్‌టాక్‌లను ఉపయోగిస్తున్నారని సర్వేలో తేలింది.