ముస్లింల సంతృప్తికరణ జగన్ ను దెబ్బ తీసిందా!

విజయవాడ, గుంటూరులలో అభ్యర్థుల మీద స్థానిక ముస్లిం ఓటర్లలో కూడా వ్యతిరేకత ఉంది. ఐదేళ్ల పాలనలో అధికారం అడ్డం పెట్టుకొని సొంత సామాజిక వర్గం వారిని కూడా వేధింపులకు గురి చేశారనే ఆరోపణలు వారిపై ఉన్నాయి.ఇక ఎన్నికల సమయంలో జగన్ మైనార్టీల మీద చూపించిన ఆసక్తి మిగిలిన వర్గాల అసంతృప్తికి కారణం అయ్యింది. విజయవాడలో సంఖ్య పరంగా ఎస్సీ ఓటర్లు అధికంగా ఉన్న చోట మైనార్టీలకు కేటాయించడం ఆ వర్గం ఓటర్లను దూరం చేసిందని చెబుతున్నారు. దీంతో పాటు బీజేపీ అధికారంలోకి వస్తే మైనార్టీ రిజర్వేషన్లు ఉండవని, తాను ఇస్తానంటూ అవసరానికి మించి వైసీపీ శిబిరం ప్రచారం చేసింది.

మైనార్టీలను ఆకట్టుకోడానికి జగన్ చేసిన ప్రకటనలు మిగిలిన వర్గాలను అప్రమత్తం అయ్యేలా చేసింది.  చివరకు వైసిపి శ్రేణులకు సహితం వెగటు పుట్టించే విధంగా చేసింది. నా ఎస్సీ, నా ఎఫస్టీలు, నా మైనార్టీలు అంటూ నమ్మబలికే ప్రయత్నం చేసినా జనం నమ్మలేదు. లితంగా ఘోర పరాజయం మూటగట్టుకున్నట్లయింది.