బీజేపీ అంటే సబ్ కా వికాస్.. బీఆర్ఎస్ అంటే కెసిఆర్ ఫ్యామిలీ వికాస్.. కాంగ్రెస్ అంటే రాహుల్ ఫ్యామిలీ వికాస్ అంటూ బిజెపి ఓబీసీ మోర్చా జాతీయ అధ్యక్షులు, రాజ్యసభ సభ్యులు డా. కె. లక్ష్మణ్ ధ్వజమెత్తారు. నిర్వచనమిచ్చారు. ఆ రెండు పార్టీలలో పని చేస్తున్న వారు ఆ కుటుంబాలకు బానిసలుగా వ్వవహరిస్తుని సానుభూతి వ్యక్తం చేశారు.
ఇప్పటి వరకు హామీలు అమలు చేయకుండా ఇప్పుడు ఎలక్షన్ కమిషన్ దగ్గరకు వెళ్ళి అనుమతి ఇవ్వాలని బీఆర్ఎస్ డ్రామాలు ఆడుతుందని ఆయన విమర్శించారు. ఒక్క రేషన్ కార్డ్ ఇవ్వలేదు.. ఇప్పుడు ఇస్తామని మాటలు చెబుతుంది.. డిక్లరేషన్లు, గ్యారంటీలు అంటూ కాంగ్రెస్ ప్రజలని మరోసారి మభ్య పెట్టే ప్రయత్నం చేస్తుందని విమర్శించారు.
కాంగ్రెస్, బీఆర్ఎస్ పార్టీల డీఎన్ఏ ఒక్కటే.. మైనారిటీ ఓట్ల కోసం ఆ రెండు పార్టీలు పోటీ పడుతున్నాయని, హిందువులను అవమానిస్తున్నాయని డా. లక్ష్మణ్ ఆగ్రహం వ్యక్తం చేశారు. కాంగ్రెస్ పాలిత రాష్ట్రాల్లో గ్యాస్ సిలిండర్ ధరలు తగ్గించలేదని చెబుతూ ఇప్పటి వరకు కేసీఆర్ ఇక్కడ పెట్రోల్ ధరలు, గ్యాస్ ధరలు తగ్గించ లేదు అంటూ లక్ష్మణ్ తెలిపారు.
ఇప్పుడు ఎన్నికల కోసం హామీలు ఇస్తున్నారని పేర్కొంటూ అన్నారు. సామాజిక న్యాయంలో భాగంగా నే బీసీ నీ సీఎం చేస్తామని బీజేపీ చెబుతుందను గుర్తు చేశారు. బీసీ సీఎం అంటే బీసీల కోసం మాత్రమే కాదని, సమాజంలోని అన్ని వర్గాల కోసం అని స్పష్టం చేశారు.
కేసీఆర్ లేస్తే మనిషినీ కాదు అని అంటాడు కాని లేవడు.. కాపలా కుక్కల ఉంటానని అన్న కేసీఆర్ గుంట నక్కలా వ్యవహరిస్తున్నారంటూ ధ్వజమెత్తారు. రేవంత్ రెడ్డి, అసదుద్దీన్ ఒకరిపై ఒకరు విమర్శలు చేసుకుంటున్నారని పేర్కొంటూ నువ్వు కొట్టినట్టు చేయ్యు.. ఏడ్చినట్టు చెయ్యు అన్నట్లు వారి వ్యవహారం ఉందని ఎద్దేవా చేశారు.
ఎంఐఎం, కాంగ్రెస్ ఒకటే అని చెబుతూ గతంలో కాంగ్రెస్ తో ఆ పార్టీ ఉందని గుర్తు చేశారు. బీజేపీ మానిఫెస్టో ఓట్ల కోసం కాదని, అమలుకు నోచుకోని హామీలు ఇవ్వమని ఆయన స్పష్టం చేశారు. ఓవైసీ , రేవంత్ రెడ్డిలు ఎవరి కోసం పని చేస్తున్నారో అందరికీ తెలుసని పేర్కొంటూ కాంగ్రెస్ కి ఓటేస్తే ఆ పార్టీ ఎమ్మెల్యేలు రీటైల్ గా, హోల్ సేల్ గా అమ్ముడు పోతారని తేల్చి చెప్పారు.
ఈ విషయాన్ని కాంగ్రెస్ పార్టీ నాయకులు స్వయంగా చెప్పారని లక్ష్మణ్ గుర్తుచేశారు. బీసీ, ఎస్సీలతో పాటు అన్ని వర్గాలు బీజేపీకి మద్దతు తెలుపుతున్నారని పేర్కొంటూ బిజెపి విజయం ఖాయం అంటూ భరోసా వ్యక్తం చేశారు.
More Stories
మాలవీయ మిషన్ పేద విద్యార్థులకు ఆర్థిక సహాయం
స్థానిక సంస్థల ఎన్నికల్లో బిజెపి అభ్యర్థుల ఎంపిక ప్రారంభం
తెలంగాణ బతుకమ్మకు రెండు గిన్నిస్ రికార్డులు