కాంగ్రెస్కు నల్లారి కిరణ్ కుమార్ రెడ్డి రాజీనామా

గత రెండు నెలలుగా బీజేపీ అగ్ర నేతలు నల్లారితో టచ్‌లో ఉన్నారని రాజకీయ వర్గాలు చెబుతున్నాయి. బీజేపీ తెలంగాణ శాఖలో చేరాలని ఆ పార్టీ కేంద్ర నాయకత్వం సంప్రదింపులు జరుపుతోందని అంటున్నారు. మాజీ ముఖ్యమంత్రిగా పార్టీలో గౌరవప్రదమైన స్థానం కల్పిస్తామని హామీ ఇచ్చినట్లు నల్లారి సన్నిహిత వర్గాలు చెబుతున్నాయి.

ఇటీవల ఏపీ బీజేపీ అధ్యక్షుడు సోము వీర్రాజు కిరణ్ కుమార్ రెడ్డి బీజేపీ ప్రవేశంపై స్పందిస్తూ కిరణ్ కుమార్ ఎంతో చురుకైన నాయకుడు అని, పార్టీలోకి వస్తే సముచిత ప్రాధాన్యం కల్పిస్తామని తెలిపారు. కిరణ్ వంటి నేత వస్తే, ఏపీలో బీజేపీ బలోపేతం అవుతుందని ఆశాభావం వ్యక్తం చేశారు