భారతీయ రైల్వే ఏప్రిల్ నుంచి నవంబర్ మధ్య కాలంలో ప్రయాణికుల విభాగంలో 76 శాతం ఆదాయాన్ని గడించింది. ప్రభుత్వం ఈ మేరకు ఓ ప్రకటన చేసింది. “గత ఏడాది రూ. 24631 కోట్ల ఆదాయం ఉండగా, ఈ ఏడాది ఏప్రిల్ నుంచి నవంబర్ మధ్య రూ. 43324 కోట్లు గడించింది” అని రైల్వే మంత్రిత్వ శాఖ తన ప్రకటనలో పేర్కొంది.
ప్రయాణికుల రిజర్వేషన్ విభాగంలోనే ఈ ఆర్థిక సంవత్సరం 50 శాతంకు మించిన ఆదాయం వచ్చింది. గత ఏడాది రూ. 22904 కోట్లు ఉండగా, ఈ ఏడాది అది రూ. 34303 కోట్లు పెరిగింది. ఏప్రిల్ నుంచి నవంబర్ మధ్య కాలంలో టిక్కెట్లు బుక్ చేసుకున్న ప్రయాణికుల సంఖ్య 10 శాతం పెరిగింది.
గత ఏడాది ఇదే కాలానికి 48.60 కోట్ల మంది బుక్ చేసుకోగా ఈ ఏడాది అది 53.65 కోట్లకు పెరిగింది. ఇక రిజర్వేషన్ చేయించుకోని ప్రయాణికుల విషయానికి వస్తే ఏప్రిల్ నుంచి నవంబర్ 30 వరకు వారి సంఖ్య 155 శాతం పెరిగింది.
గత ఏడాది అన్ రిజర్వుడ్ ప్రయాణికుల సంఖ్య 138.13 కోట్లు ఉండగా, ఈ ఏడాది అది 352.73 కోట్లకు పెరిగింది. భారతీయ రైల్వే గత ఏడాది రూ. 91127 కోట్లు గడించగా, ఈ ఏడాది రూ. 105905 కోట్లు గడించింది. ఏడాదికేడాది(ఇయర్ ఆన్ ఇయర్) చొప్పున లెక్కించినప్పుడు 16 శాతం ఆదాయం పెరిగింది.
More Stories
రష్యా చమురు కంపెనీలపై ట్రంప్ ఆంక్షలతో భారత్ కు ముప్పు?
త్రివిధ దళాలకు రూ.79 వేల కోట్ల రక్షణ కొనుగోళ్లు
మెహుల్‌ చోక్సీ అప్పగింతలో అడ్డంకులు లేవన్న బెల్జియం కోర్టు