అంబేద్కర్ 125 అడుగుల విగ్రహం సంగతేంటి?

ఏడాదిలో అంబేద్కర్ జయంతి నాటికి 125 అడుగుల విగ్రహాన్ని ఆవిష్కరిస్తామని కేసీఆర్ చెప్పారని ఆయన గుర్తు చేశారు. ఇక ఆ తరువాత ఆ ఊసే లేదు అని ఆయన మండిపడ్డారు. అంబేద్కర్ జయంతి, వర్దంతి కార్యక్రమాలకు కూడా వెళ్లని మూర్ఖుడు కేసీఆర్ అని ఆయన ధ్వజమెత్తారు.

కేసీఆర్ సీఎం పదవి చేపట్టాక మొట్టమొదట మోసం చేసింది దళితులనే అని చెబుతూ  తెలంగాణ రాష్ట్రంలో ఏర్పడితే దళితుడినే మొదటి ముఖ్యమంత్రి చేస్తానని హామీని విర్మరించారని గుర్తు చేశారు. తానే సీఎం పదవి చేపట్టి దళితులను దారుణంగా మోసం చేశాని ఆగ్రహం వ్యక్తం చేశారు.

ఒక్కో దళిత కుటుంబానికి 3 ఎకరాల భూమిని పంపిణీ చేస్తామని మాయ మాటలు చెప్పారని ఆగ్రహం వ్యక్తం చేశారు. దళితులకు మూడెకరాల సంగతి దేవుడెరుగు…. వాళ్ల పేరిటనున్న అసైన్డ్ భూములను కూడా లాక్కున్న నీచమైన చరిత్ర కేసీఆర్ ది అని ఆరోపించారు.