2023లో గోవాలో నిర్వహించిన ఎస్సీఓ విదేశాంగ మంత్రుల సమావేశానికి పాకిస్థాన్ అప్పటి విదేశాంగ మంత్రి బిలావల్ భుట్టో జర్దారీ హాజరయ్యారు. ఆ తర్వాత పాకిస్థాన్కు చెందిన మరో మంత్రి భారత్లో పర్యటించడం ఇదే తొలిసారిగా ప్రాధాన్యం సంతరించుకుంది. 2025లో పహల్గామ్ ఉగ్రదాడి అనంతరం భారత్ చేపట్టిన ఆపరేషన్ సిందూర్తో భారత్, పాకిస్థాన్ మధ్య సంబంధాలు మరింత ఉద్రిక్తంగా మారాయి.
ఈ నేపథ్యంలో పాకిస్థాన్ మంత్రి భారత పర్యటనకు రావడం రాజకీయ, దౌత్య వర్గాల్లో ఆసక్తిని కలిగిస్తోంది. ముఖ్యంగా ఇరు దేశాల మధ్య సంబంధాలు సున్నితంగా ఉన్న సమయంలో ఆయన పర్యటనకు సంబంధించిన పరిమితులు ప్రాధాన్యం సంతరించుకున్నాయి.
కేంద్రం విధించిన నిబంధనల ప్రకారం ముసాదిక్ మాలిక్ ఢిల్లీలో జరిగే అధికారిక ఎస్సీఓ కార్యక్రమాల్లో మాత్రమే పాల్గొనాల్సి ఉంది. ఇతర పర్యాటక ప్రాంతాలు, మతపరమైన ప్రదేశాలను సందర్శించేందుకు అనుమతి లేకపోవడం ఈ పర్యటనలో కీలక పరిణామంగా మారింది. భారత్, పాకిస్థాన్ మధ్య కొనసాగుతున్న ఉద్రిక్తతల నేపథ్యంలో ఆయన పర్యటనపై ప్రత్యేక దృష్టి నెలకొంది.

More Stories
యూపీ సీఎం యోగి ఆదిత్యనాథ్కు మాతృవియోగం
తిరుపరన్కుండ్రంలో 24న దీపాలు వెలిగించేందుకు `సుప్రీం’ అనుమతి
యూపీ ఎన్కౌంటర్లో దావూద్ అనుచరుడు నసీమ్ దుర్రానీ హతం