* సంఘ్ ప్రారంభం నుండి దానికి గుర్తింపు `స్వయంసేవక్’
1930వ దశకంలో సెంట్రల్ ప్రావిన్స్ అసెంబ్లీలో రాష్ట్రీయ స్వయంసేవక్ సంఘ్ (ఆర్ఎస్ఎస్)పై మొదటిసారిగా నిషేధం విధించే ప్రయత్నం జరిగినప్పుడు, దాన్ని సమర్థించేందుకు ఒక్క స్వయంసేవక్ కూడా లేరని, అప్పుడు ఇబ్రహీం అనే వ్యక్తి మాత్రమే సంఘ్‌కు మద్దతుగా గళమెత్తారని ఆర్ఎస్ఎస్ సర్ సంఘచాలక్ మోహన్ భాగవత్ సోమవారం గుర్తు చేశారు.
నాగ్‌పూర్ నాగరిక్ సహకారీ బ్యాంక్ లిమిటెడ్ ప్రధాన కార్యాలయంలో పునర్నిర్మించిన ఆడిటోరియంను ప్రారంభించిన అనంతరం ఆయన మాట్లాడుతూ, ఆ సమయంలో సంఘ్ సిద్ధాంతానికి మద్దతు ఇచ్చేవారు ఎవరూ లేరని పేర్కొన్నారు. సంఘ్‌ను మూసివేయకూడదని, అది మతతత్వ సంస్థ కాదని ఇబ్రహీం వాదించారని చెప్పారు.
“1930వ దశకంలో సెంట్రల్ ప్రావిన్స్ అసెంబ్లీలో సంఘ్‌పై మొదటిసారిగా నిషేధం విధించే ప్రయత్నం జరిగినప్పుడు, దాన్ని సమర్థించేందుకు ఒక్క స్వయంసేవక్ కూడా లేరు. సంఘ్ సిద్ధాంతానికి మద్దతు ఇచ్చేవారు కూడా ఎవరూ లేరు. అప్పుడు ఇబ్రహీం అనే వ్యక్తి సంఘ్‌కు మద్దతుగా మాట్లాడారు. సంఘ్‌ను మూసివేయకూడదని, అది మతతత్వ సంస్థ కాదని ఆయన వాదించారు” అని భాగవత్ చెప్పారు.
“ఆయన తన ప్రసంగంలో ఇలా పేర్కొన్నారు: ‘హిందుస్థాన్ ఒక హిందూ దేశం అని ఎవరైతే అంటారో, వారిని మానసిక చికిత్సాలయానికి పంపాలని నేను భావిస్తాను. నాకు డాక్టర్ హెడ్గేవార్ తెలుసు. ఆయనకు ఎలాంటి మానసిక సమస్య లేదు. ఆయన మంచి వ్యక్తి. కాబట్టి, సంఘ్ మతతత్వ సంస్థ అయ్యే అవకాశం లేదు” అని స్పష్టం చేశారు.
“అప్పటికి సంఘ్ ఏర్పడి కొన్ని ఏళ్లు మాత్రమే అయ్యాయి. అప్పట్లో అది అంతగా ప్రాచుర్యంలో లేదు. కానీ డాక్టర్ హెడ్గేవార్ అందరికీ తెలుసు. సంఘ్ ప్రారంభమైనప్పటి నుండి ‘స్వయంసేవక్’ దాని గుర్తింపుగా మారింది. వంద ఏళ్లు గడిచిన నేటికీ, స్వయంసేవకే సంఘ్ గుర్తింపుగా ఉంది” అని తెలిపారు.
ప్రచారకుల గురించి రాసిన ఒక పుస్తకం గురించి ప్రస్తావిస్తూ, అటువంటి వ్యక్తుల జీవితాల గురించి కృతజ్ఞతతో, ఆత్మీయతతో రాస్తున్నారని, ఇందులో ఎలాంటి భౌతిక ప్రయోజనాలు ఆశించడం లేదని భాగవత్ చెప్పారు. “ఏ ప్రచారక్ కూడా ఇలాంటి గుర్తింపును ఆశించలేదు. భవిష్యత్తులోనూ ఆశించరు. ఎందుకంటే ఇందులో పొందేందుకు భౌతికమైన ప్రయోజనాలు ఏవీ లేవు” అని ఆయన పేర్కొన్నారు.
“ఒక ప్రచారకుడికి ‘సంఘం’ తప్ప మరేమీ ఉండదు. సంఘమే సర్వస్వం. ఆయనకు అంతకు మించి వేరే ఏదీ లేదు” అని ఆయన స్పష్టం చేశారు. అటువంటి వ్యక్తుల పట్ల సహజంగానే గౌరవభావం కలుగుతుందని ఆయన చెప్పారు. “వారి అంకితభావం, నిబద్ధతలను మాటల్లో వర్ణించడం సాధ్యం కాదు. ఇది అనుభవం ద్వారా మాత్రమే తెలుస్తుంది. వారితో ప్రత్యక్ష పరిచయం ఉన్నవారికి మాత్రమే ఇది అర్థమవుతుంది” అని ఆయన వివరించారు.
‘స్వయంసేవకుడి’ జీవితాన్ని “ప్రవాహానికి ఎదురీదడం” వంటిదిగా అభివర్ణిస్తూ, అటువంటి జీవితం ఎటువంటి స్వార్థం, అహంకారం లేదా వ్యక్తిగత ఆశలు లేని, సూత్రబద్ధమైన జీవనమని భగవత్ పేర్కొన్నారు. “సమాజానికి నేను ఎంత మేలు చేయగలను? — ఇదే ఆయనకున్న ఏకైక ఆలోచన” అని ఆయన చెప్పారు. ప్రతి స్వయంసేవకుడు ఈ ఆదర్శానికి పూర్తిగా అనుగుణంగా జీవించకపోవచ్చని అంగీకరిస్తూ, “వ్యక్తుల మధ్య స్థాయిలు, భేదాలు ఉండవచ్చు, కానీ అందరి గమ్యం మాత్రం ఒక్కటే” అని ఆయన తెలిపారు.
About The Author
More Stories
కుటుంబ తప్పిదాలను సమర్ధించుకొనే ప్రయత్నమే సోనియా గ్రంధం!
`వందేమాతరం’ పూర్తికాకుండానే కూర్చుండిపోయింది కేరళ మంత్రి!
ఢాకా మురికివాడలను ఢిల్లీగా చిత్రీకరిస్తున్న చైనా వ్లాగర్లు