ముడి చమురు ధర 100 డాలర్లు దాటటంతో భారత్ ఆందోళన 

దీంతో దేశంలో ద్రవ్యోల్బణ ఒత్తిళ్లు పెరగవచ్చని ఆర్థిక నిపుణులు భావిస్తున్నారు. అదే సమయంలో రూపాయి విలువపై ఒత్తిడి, స్టాక్‌ మార్కెట్లలో అస్థిరత, దిగుమతి బిల్లు పెరుగుదల వంటి పరిణామాలు కూడా భారత ఆర్థిక వ్యవస్థకు సవాళ్లుగా మారవచ్చు. చమురు ధరల పెరుగుదల కారణంగా ద్రవ్యోల్బణం అదుపు తప్పితే రిజర్వ్‌ బ్యాంక్‌ ఆఫ్‌ ఇండియా తదుపరి ద్రవ్య పరపతి విధాన సమీక్షలో కీలక నిర్ణయాలు తీసుకునే అవకాశం ఉందనే అంచనాలు వినిపిస్తున్నాయి. 

 అయితే ఇది పూర్తిగా ద్రవ్యోల్బణం, అంతర్జాతీయ చమురు ధరలు, ఆర్థిక పరిస్థితులపై ఆధారపడి ఉంటుంది. చమురు ధరల పెరుగుదల ఇప్పటికే భారత్‌ దిగుమతి వ్యయాలపై ప్రభావం చూపుతోంది. ఈ ఏడాది ఏప్రిల్‌-జూలై మధ్య భారత ముడి చమురు దిగుమతుల విలువ 63.4 బిలియన్‌ డాలర్లకు చేరినట్లు కేంద్ర ప్రభుత్వం వెల్లడించింది.  గత ఏడాది ఇదే కాలంలో ఈ విలువ 40.5 బిలియన్‌ డాలర్లుగా ఉంది. అంటే ఏడాది వ్యవధిలో చమురు దిగుమతుల విలువ గణనీయంగా పెరిగింది.