చరిత్రలోనే అతిపెద్ద ఇనీషియల్ పబ్లిక్ ఆఫరింగ్గా అభివర్ణించబడుతున్న దాని ధరను స్పేస్ఎక్స్ నిర్ణయించడంతో, స్పేస్ఎక్స్ సీఈవో ఎలాన్ మస్క్ ప్రపంచంలోనే మొట్టమొదటి ట్రిలియనీర్ (లక్ష కోట్ల రూపాయల బాట పట్టిన వ్యక్తి) కావడానికి గణనీయంగా చేరువయ్యారు. ఈ ఏరోస్పేస్, శాటిలైట్ కంపెనీ విలువ సుమారుగా $1.77 ట్రిలియన్లుగా అంచనా వేస్తున్నారు.
నివేదికల ప్రకారం, స్పేస్ఎక్స్ తన నాస్డాక్ అరంగేట్రానికి ముందు, ఎస్పీసీఎక్స్ అనే టిక్కర్ సింబల్తో తన షేరును ఒక్కొక్కటి $135 చొప్పున ధర నిర్ణయించి, సుమారు $75 బిలియన్లను సమీకరించింది. ఈ లిస్టింగ్ ఆధునిక మూలధన మార్కెట్లలో అత్యంత ముఖ్యమైన సంఘటనలలో ఒకటిగా నిలుస్తుందని, భారీ స్థాయి టెక్నాలజీ ఫ్లోటేషన్ల కొత్త తరంగానికి మార్గం సుగమం చేస్తుందని భావిస్తున్నారు.
హేమీహేమీ టైకూన్లను దాటివేస్తూ ఔత్సాహిక వ్యాపారి దశ నుంచి ట్రిలియనీర్గా ఆయన ఎదిగారు. రాకెట్లు, శాటిలైట్లు, ఏఐ కంపెనీలు, టెస్లా కార్లు మస్క్ వ్యాపారంలో ఉన్నాయి. అయితే తాజా ఐపీవో ద్వారా స్పేస్ఎక్స్ కంపెనీ 75 బిలియన్ల డాలర్లు ఆర్జించింది. ఇన్షియల్ పబ్లిక్ ఆఫరింగ్లో పెట్టుబడిదారులు ఉత్సాహంతో పాల్గొన్నట్లు తెలుస్తోంది. దీంతో మస్క్ రాకెట్, స్పేస్క్రాఫ్ట్ తయారీ కంపెనీ విలువ అమాతం పెరిగింది.
మొత్తం 555.56 మిలియన్ల షేర్లను అమ్మేశారు. దాంతో ఆ కంపెనీకి ఐపీవో ద్వారా సుమారు 75 బిలియన్ల డాలర్లు వచ్చినట్లు తెలుస్తోంది. దీంతో స్పేస్, శాటిలైట్, ఏఐ కంపెనీల మొత్తం విలువు సుమారు 1.77 ట్రిలియన్ డాలర్లకు చేరుకున్నది. మస్క్కు చెందిన స్పేస్ఎక్స్ తొలిసారి శుక్రవారం వాల్స్ట్రీట్ ట్రేడింగ్లోకి వెళ్లింది. నాస్డాక్లో ట్రేడింగ్ కోసం షేర్లను అమ్మిన అమెరికా కంపెనీల్లో స్పేస్ఎక్స్ ఏడో స్థానంలో ఉన్నది.
ఫోర్బ్స్, ఆల్ఫాబెట్ కంపెనీలు కూడా గతంలో షేర్లను సేల్ చేశాయి. రెండో సంపన్న వ్యక్తి కేవలం 300 బిలియన్ల డాలర్ల దగ్గరే ఉన్నారని, అంటే మస్క్ దగ్గర ఉన్న దాంట్లో మూడో వంతు అని ఫోర్బ్స్ వెల్త్ ఎడిటర్ మాట్ డ్యూరట్ తెలిపారు. ఒరాకిల్ ఫౌండర్ లారీ ఎల్లిసన్ సంపద సుమారు 400 బిలియన్ల డాలర్లు ఉంటుందని అంచనా వేస్తున్నారు.
2002లో స్థాపించిన స్పేస్ఎక్స్, ఫాల్కన్ 9, ఫాల్కన్ హెవీ రాకెట్లతో సహా పునర్వినియోగ ప్రయోగ వ్యవస్థల అభివృద్ధి ద్వారా ప్రపంచ అంతరిక్ష పరిశ్రమను మార్చివేసింది. ఈ సంస్థ డ్రాగన్ స్పేస్క్రాఫ్ట్ కార్యక్రమాన్ని కూడా నిర్వహిస్తోంది. చంద్రుడు, అంగారకుడికి యాత్రల కోసం రూపొందించిన స్టార్షిప్ అనే తదుపరి తరం ప్రయోగ వాహనాన్ని అభివృద్ధి చేస్తోంది. ప్రయోగ సేవలకు అతీతంగా, స్పేస్ఎక్స్ తన వేగంగా విస్తరిస్తున్న గ్లోబల్ బ్రాడ్బ్యాండ్ నెట్వర్క్ స్టార్లింక్ ద్వారా ఉపగ్రహ కమ్యూనికేషన్ల రంగంలో గణనీయమైన ఉనికిని చాటుకుంది.
More Stories
భారీ లాభాల్లో ముగిసిన స్టాక్ మార్కెట్లు
రూ. 11.82 కోట్లు గంజాయి తరలిస్తూ మోడల్ హర్ష సన్నీ అరెస్ట్
పెట్రోల్ బంక్ ల నుండి పెట్రోల్, డీజిల్ భారీ కొనుగోళ్లపై నిషేధం