పంజాబ్ అధ్యక్షుడిగా ఎన్నికైన కేవల్ సింగ్ ధిల్లాన్ గతంలో ఎమ్మెల్యేగా పనిచేశారు. అంతకుముందు కాంగ్రెస్‌లో ఉండేవారు. తర్వాత పార్టీకి రాజీనామా చేసి బీజేపీలో చేరారు. అలాగే, పంజాబ్ మాజీ సీఎం కెప్టెన్ అమరీందర్ సింగ్‌కు సన్నిహితుడు.  ఢిల్లీ బీజేపీ అధ్యక్షుడిగా నియామకమైన హర్ష్ మల్హోత్రా తొలిసారి ఎంపీగా గెలిచారు. ఆయన పార్టీ కోసం చాలా శ్రమించారు. కేంద్ర మంత్రిగా కొనసాగుతున్నారు.

హరియాణా అధ్యక్షురాలిగా ఎన్నికైన అర్చనా గుప్తా రాష్ట్ర ప్రధాన కార్యదర్శిగా పని చేస్తున్నారు.  త్రిపురలో అత్యంత కీలక నియోజకవర్గమైన మతార్బారి నుంచి పోటీ చేసి గెలిచారు. ఆయనకు తాజాగా అధ్యక్షుడిగా పదవి దక్కింది. ఉగ్రవాద కార్యకలాపాలు తీవ్రంగా ఉన్న సమయాల్లో పంజాబ్‌కు ‘పెప్సీ’ని తీసుకురావడంలో కీలక పాత్ర పోషించిన పారిశ్రామికవేత్త, రాజకీయ నాయకుడు ధిల్లాన్.

2027 అసెంబ్లీ ఎన్నికలను దృష్టిలో ఉంచుకుని, పంజాబ్‌లో ఒక సిక్కు ముఖాన్ని ప్రముఖంగా చూపించే వ్యూహాత్మక ఎత్తుగడలో భాగంగా బీజేపీ ఈ కీలక నిర్ణయం తీసుకుంది. 2027 ఎన్నికల దిశగా పయనిస్తున్న పంజాబ్ బీజేపీ, కేవల్ సింగ్ ధిల్లాన్ నాయకత్వంలో ఎటువంటి కొత్త వ్యూహాలను అవలంబిస్తుందో వేచి చూడాలి. ధిల్లాన్ నియామకం అధికార ఆమ్ ఆద్మీ పార్టీకి (ఆప్) పంపిన ఒక వ్యూహాత్మక రాజకీయ సంకేతంగా కూడా పరిగణిస్తున్నారు.

ముఖ్యమంత్రి భగవంత్ మాన్ సొంత నియోజకవర్గమైన సంగ్రూర్ జిల్లాకు చెందిన ప్రముఖ నాయకుడైన ధిల్లాన్‌ను, పంజాబ్ రాజకీయాలను శాసించే ‘గ్రామీణ మాల్వా’ ప్రాంతంలో తన పట్టు పెంచుకోవడానికి బీజేపీ ప్రయత్నిస్తున్న కీలక సమయంలో ఎంపిక చేయడం విశేషం.  శిరోమణి అకాలీదళ్‌తో పొత్తు విచ్ఛిన్నమైన తర్వాత, పంజాబ్‌లో కేవలం పట్టణ ప్రాంత హిందూ ఓటర్లకే పరిమితమైన పార్టీగా ఉన్న ముద్రను తొలగించుకోవడానికి బీజేపీ తీవ్రంగా శ్రమిస్తోంది.

మాల్వా ప్రాంతంలో బలమైన మూలాలు కలిగి, కాంగ్రెస్ పార్టీలో సుదీర్ఘ రాజకీయ అనుభవం ఉన్న ఒక ‘జాట్ సిక్కు’ నాయకుడిని నియమించడం ద్వారా, రాష్ట్రంలో ఒక విస్తృత సామాజిక ముఖాన్ని ఆవిష్కరించడానికి పార్టీ ప్రయత్నిస్తోంది.