బెంగాల్ కిరాణా షాపులో మరమరాల మిక్చర్‌ కొన్న మోదీ

కొనుగోలు చేసిన వస్తువులకు సంబంధించి నగదును కూడా ఆయనే స్వయంగా చెల్లించడం విశేషం. ప్రధాని తమతో అంత దగ్గరగా కూర్చుని మాట్లాడటం చూసి షాపు యజమాని ఆనందానికి అవధులు లేకుండా పోయాయి. ప్రధాని మోదీ అకస్మాత్తుగా ప్రజల మధ్యలోకి రావడంతో ఆ ప్రాంతమంతా పండుగ వాతావరణం నెలకొంది. 

తమ అభిమాన నాయకుడిని అంత దగ్గరగా చూసిన స్థానికులు ‘భారత్ మాతాకీ జై’, ‘జై శ్రీరామ్’, ‘మోదీజీ జిందాబాద్’ అంటూ నినాదాలతో హోరెత్తించారు. ఈ ఘటన మోదీకి ప్రజలతో ఉన్న అనుబంధాన్ని మరోసారి నిరూపించిందని విశ్లేషకులు భావిస్తున్నారు. భద్రతా కారణాల దృష్ట్యా అధికారులు వారించినా, ప్రజల మధ్యకు వెళ్లడానికే తాను ఇష్టపడతానని ఈ చర్య ద్వారా మోదీ చెప్పకనే చెప్పారు.