ఇరాన్‌‌పై అణుదాడికి సన్నాహాలు.. ఐరాస దౌత్యవేత్త రాజీనామా

“అణు ముప్పును నివారించే ప్రయత్నాల్లో భాగంగానే ఈ నేరానికి సాక్షిగా ఉండకూడదనే నేను పదవి నుంచి తప్పుకుంటున్నాను”  అని ఆయన తెలిపారు. అణ్వాయుధాలతో వాషింగ్టన్, బెర్లిన్, పారిస్, లండన్ లేదా అంతకు మించిన నగరాలపై దాడిని ఊహించుకోండని ఆయన కోరారు. అమెరికా ‘నో కింగ్స్’ అనే నినాదంతో దాదాపు కోటి మంది ప్రజలు నిరసన తెలిపిన సంఘటనలను కూడా సఫా ప్రస్తావించారు.

అణ్వాయుధాల వినియోగం ప్రమాదకరం కాబట్టి దానిని చాలా తీవ్రంగా పరిగణించాలని ఆయన స్పష్టం చేశారు. ‘‘ఇప్పుడే చర్యలు తీసుకోండి. ఈ సందేశాన్ని ప్రపంచవ్యాప్తంగా ప్రచారం చేయండి. వీధుల్లోకి రండి. మన మానవత్వం, భవిష్యత్తు కోసం నిరసన తెలపండి. ప్రజలు మాత్రమే దీనిని ఆపగలరు. చరిత్ర మనల్ని గుర్తుంచుకుంటుంది’’ అని ఆయన పిలుపునిచ్చారు.

తాను 2023లోనే రాజీనామా చేయాలనుకున్నానని, అందుకోసం మూడేళ్లుగా ఓపిక పట్టానని సఫా చెప్పారు. ప్రపంచవ్యాప్తంగా ఉన్న అనేక సంఘర్షణలను ఆయన ప్రస్తావిస్తూ ఐరాసలోని కొందరు అధికారులు ఇజ్రాయెల్, అమెరికాలు అంతర్జాతీయ చట్టాలను ఉల్లంఘించాయని చెప్పడానికి ఇష్టపడటం లేదని సఫా విమర్శించారు.