పశ్చిమాసియాలో ఉద్రిక్తతలను తగ్గించేలా కాల్పుల విరమణకు సంబంధించి రెండు మధ్యవర్తిత్వ దేశాలు చేసిన ప్రతిపాదనలను తమ  నూతన సుప్రీం లీడర్ మొజ్తాబా ఖమేని తిరస్కరించారని ఓ ఇరాన్ సీనియర్ అధికారి వ్యాఖ్యలను ఉటంకిస్తూ రాయిటర్స్ కథనం వెలువరించింది. సుప్రీం లీడర్‌గా ఎన్నికైన తర్వాత విదేశాంగ విధానంపై నిర్వహించిన తన తొలి సమావేశంలో అమెరికా, ఇజ్రాయెల్‌పై ప్రతీకారం తీర్చుకోవాలన్న కఠిన వైఖరిని ఖమేనీ వ్యక్తం చేశారని ఆ అధికారి పేర్కొన్నట్టు తెలిపింది.

అయితే, ఆ సమావేశాలకు ఖమేనీ స్వయంగా హాజరయ్యారా? లేదా? అనేది మాత్రం ఆయన స్పష్టం చేయలేదని పేర్కొంది. గల్ఫ్ దేశాల్లోని అమెరికా స్థావరాలు, ఆస్తులను ఇరాన్ లక్ష్యంగా చేసుకుని డ్రోన్, స్ఖఈపనులతో దాడులు చేస్తున్న సంగతి తెలిసిందే.  ఇరాన్ అధికారులు తెలిపిన వివరాల ప్రకారం యుద్ధం ముదురుతున్న వేళ రెండు దేశాలతో కాల్పుల విరమణ, ఉద్రిక్తతలు తగ్గించే అంశంపై ఇరాన్ నేతలు ఖమేనితో చర్చలు జరిపారు.

ఉద్రిక్తతలు తగ్గించి, శాంతి, కాల్పుల ఒప్పందం వంటి అంశాల్లో రెండు దేశాలు మధ్యవర్తిత్వం వహిస్తున్నట్లు తెలుస్తోంది. దీనికి సంబంధించిన కొన్ని ప్రతిపాదనల్ని ఇరాన్ నేతలు ఆయన ముందుంచారు. కానీ, ఖమేని మాత్రం వాటిని తిరస్కరించారు. అమెరికా, ఇజ్రాయెల్‌ తమ ఓటమిని అంగీకరించి, నష్ట పరిహారాన్ని చెల్లించి తమ ముందు మోకరిల్ల చేసేవరకు శాంతికి ఇది తగిన సమయం కాదని మొజ్తాబా స్పష్టం చేసినట్లు ఆ అధికారి చెప్పారు.