గల్ఫ్‌ దేశాలకు ఇరాన్ క్షమాపణ.. అమెరికాకు లొంగదని స్పష్టం

అమెరికా, ఇజ్రాయెల్ ఒత్తిడికి ఇరాన్ ఎట్టి పరిస్థితుల్లోనూ లొంగదని స్పష్టం చేశారు. దేశాన్ని కాపాడేందుకు అందరూ ఒక్కటై నిలవాలని ప్రజలకు పిలుపునిచ్చారు. అంతర్జాతీయ చట్టాలను పట్టించుకోకుండా అమెరికా, ఇజ్రాయెల్ ఎక్కడ కావాలంటే అక్కడ బాంబులు వేస్తున్నాయని ఆరోపించారు. పాఠశాలలు, ఆసుపత్రులు, ఇతర ముఖ్య కేంద్రాలను కూడా లక్ష్యంగా చేసుకుంటున్నారని విమర్శించారు. 

“మన దేశం, మన నేల, మన నీరు, మన గౌరవాన్ని కాపాడేందుకు అందరం కలిసి నిలవాలి. ఈ సంక్షోభం నుంచి ఇరాన్ గర్వంగా బయటపడేందుకు అవసరమైతే ప్రాణాలు అర్పించడానికి కూడా సిద్ధంగా ఉన్నాం. మమ్మల్ని లొంగిపోవాలని కలలు కంటున్నవారు ఆ కలల్ని సమాధి చేసుకోవాల్సిందే” అని పెజెష్కియన్ స్పష్టం చేశారు.  ఇటీవల అమెరకా అధ్యక్షుడు డొనాల్డ్ ట్రంప్​ ఇరాన్‌పై తీవ్ర వ్యాఖ్యలు చేశారని పేర్కొంటూ తమ దేశం స్వాభిమానం ఉన్న దేశమని, ఎవరికి లొంగదని పెజెష్కియన్ స్పష్టం చేశారు.

“ప్రపంచ శక్తులు మనల్ని తల వంచమని బలవంతం చేయడానికి పిరికితనంతో వరుసలో ఉన్నాయి. మీరు ఇబ్బందులను ఎదుర్కొన్నప్పుడు వంగి నమస్కరించనట్లే, ఈ సమస్యలకు మేము కూడా వంగి నమస్కరించము” అని ఆయన తేల్చి చెప్పారు.