ఇరాన్‌ వైపు అమెరికా యుద్ధనౌకలు

పశ్చిమాసియా, ఈశాన్య ఆఫ్రికా, మధ్య ఆసియా, దక్షిణాసియాలోని 21 దేశాలు సెంట్రల్‌ కమాండ్‌ ప్రాంత పరిధిలోకి వస్తాయి. ప్రస్తుతం పశ్చిమాసియాలో అమెరికా యుద్ధ నౌకలేవీ మోహరించి లేవు. దక్షిణ చైనా సముద్రంలో సాధారణ నిఘా కార్యకలాపాలు నిర్వహిస్తున్న యూఎస్‌ఎస్‌ అబ్రహం లింకన్‌ యుద్ధనౌకలో 3-6 విధ్వంసక క్షిపణులు, 1-2 జలాంతర్గాములు, 7,000-8000 మంది సైనిక సిబ్బంది, 65-70 యుద్ధ విమానాలు(ఎఫ్‌-35, ఎఫ్‌/ఏ-18) మొదలైనవి ఉన్నాయి.

మరో పక్కన పశ్చిమాసియాలోని తన సైనిక స్థావరాల నుంచి సిబ్బందిని తరలించే ప్రక్రియను అమెరికా మొదలుపెట్టింది. దాదాపు 10,000 మంది సైనిక బలగాలతో పశ్చిమాసియాలోనే అతిపెద్ద అమెరికా స్థావరమైన ఖతార్‌లోని అల్‌ ఉదీద్‌ వైమానిక స్థావరం నుంచి కొంతమంది సిబ్బందిని బుధవారం సాయంత్రానికి తరలించివేయాలని అమెరికా ఆదేశించినట్లు రాయిటర్స్‌ వార్తాసంస్థ వెల్లడించింది. ఇది పూర్తిగా తరలింపు కాదని, బలగాల్లో మార్పులు మాత్రమేనని అమెరికా అధికారి ఒకరు వివరించారు.