బడ్జెట్ లో రక్షణ రంగానికి ప్రాధాన్యత… ఫిక్కీ సూచన

1. మూలధన వ్యయం పెంపు: 2025-26 ఆర్థిక సంవత్సరంలో రక్షణ మంత్రిత్వ శాఖకు రూ. 6.81 లక్షల కోట్లకు పైగా కేటాయింపులు చేసినప్పటికీ మొత్తం బడ్జెట్‌లో మూలధన వ్యయం వాటాను 26 శాతం నుంచి కనీసం 30 శాతానికి పెంచాలని సూచించింది.

2. రక్షణ పరిశోధన, అభివృద్ధి సంస్థ (డిఆర్డిఏ)కి కేటాయింపులను మరింత పెంచాలని అభిప్రాయపడింది. రాబోయే బడ్జెట్‌లో అదనంగా రూ. 10 వేల కోట్ల నిధులు కేటాయిస్తే, ప్రైవేట్ రంగంతో కలిసి డీప్ టెక్, ఫ్రంటియర్ టెక్నాలజీలపై పరిశోధనకు మరింత ఊతం లభిస్తుందని తెలిపింది.

3. రక్షణ పారిశ్రామిక కారిడార్లు: ఉత్తరప్రదేశ్, తమిళనాడు రాష్ట్రాల్లో ఏర్పాటైన రక్షణ పారిశ్రామిక కారిడార్లతో మంచి ఫలితాలు వచ్చాయని పేర్కొన్న ఫిక్కీ  తూర్పు భారతదేశంలో మరో రక్షణ కారిడార్ ఏర్పాటు చేయాలని ప్రతిపాదించింది. ఇది ఉద్యోగాల సృష్టి, పరిశోధనాభివృద్ధి, ప్రాంతీయ ఆర్థిక వృద్ధికి దోహదపడుతుందని తెలిపింది. 

4. రక్షణ ఎగుమతుల ప్రోత్సాహం: గత కొన్నేళ్లలో వేగంగా పెరుగుతున్న రక్షణ ఎగుమతులను మరింత పెంచేందుకు ప్రత్యేక వ్యూహం అవసరమని సూచించింది.