దేశ రాజధాని ఢిల్లీలో సంచలనం రేపిన కారు బాంబ్ బ్లాస్ట్పై జాతీయ దర్యాప్తు సంస్థ (ఎన్ఐఏ) ముమ్మరంగా దర్యాప్తు చేస్తున్నది. అల్-ఫలాహ్ యూనివర్సిటీ కేంద్రంగా ఎంత పెద్ద కుట్ర జరిగిందో దర్యాప్తు అధికారులు తేల్చారు. టెర్రర్ మాడ్యూల్లో ఉన్న అనేక మంది ఉగ్రవాదులను అధికారులు అరెస్టు చేశారు. ఉగ్ర డాక్టర్లు ఉమర్, షాహీన్, ముజమ్మిల్ దేశవ్యాప్త పేలుళ్లకు కుట్ర పన్నినట్లుగా తేల్చారు.
ఇందులో భాగంగా నిందితురాలైన డా. షహీద్ సయీద్ ను అల్ ఫలాహ్ యూనివర్సిటీకి అధికారులు తీసుకెళ్లారు. ఆమెకు కేటాయించిన రూమ్ నంబర్ 22లో సోదా చేయగా రూ.18 లక్షల డబ్బు బయటపడింది. ఎన్ఐఏ అధికారులు అల్ ఫలాహ్ క్యాంపస్ను తనిఖీ చేశారు. నిందితురాలు షహీద్ సయీద్ సమక్షంలో ఆమె నివసించిన రూమ్ నంబర్ 22తో పాటు ఆమె క్యాబిన్, ఆమె బోధించిన తరగతి గదులను పరిశీలించారు.
ఒక అల్మారాలో ప్లాస్టిక్ కవర్లో చుట్టి దాచిన రూ.18 లక్షల డబ్బును ఎన్ఐఏ అధికారులు గుర్తించారు. ఆ నగదును స్వాధీనం చేసుకున్నారు. ఇంత పెద్ద మొత్తంలో డబ్బు షహీద్ సయీద్కు ఎక్కడి నుంచి వచ్చింది అన్నది దర్యాప్తు చేస్తున్నారు.
తాజాగా సాహీన్ (46) ప్రేమకథను ఇటీవల విచారణలో ముజమ్మిల్ కీలక విషయాలు వెల్లడించాడు. డా. షాహీనా తన ప్రేమికురాలు కాదని, తన భార్య అని చెప్పుకొచ్చాడు. వీరిద్దరికి 2023, సెప్టెంబర్ లో అల్-ఫలాహ్ యూనివర్సి టీ సమీపంలోనే పెళ్లి జరిగింది. ముజమ్మిల్ ను షాహీనా పెళ్లి చేసుకోకముందే ఆమెకు రెండు పెళ్లిళ్లు అయ్యాయి.
షాహీనా 2003 లో కంటే వైద్యుడు జాఫర్ హయత్ ను వివాహం చేసుకుంది. ఈ దంపతులకు ఇద్దరు పిల్లలు కూడా ఉన్నారు. ఈ బంధం ఎంతోకాలం నిలవలేదు. భార్యాభర్తల మధ్య విభేదాలు కారణంగా 2012లో విడాకులు తీసుకున్నారు. పెళ్లి సమయంలో తప్ప ఆమె ఎప్పుడూ బురఖా ధరించలేదని హయత్ పేర్కొన్నారు. మంచి జీవితం కోసం ఆస్ట్రేలియా లేదా ఐరోపాలో స్థిరపడాలని మాత్రం ఒకసారి తనతో అన్నట్లు తెలిపారు.
మొదటి భర్తతో విడాకుల తర్వాత ఎనిమిది సంవత్సరాలు ఎవరికీ తెలియకుండా షాహీనా ఉండిపోయింది. ఈ క్రమంలోనే ఆమె రెండో పెళ్లి చేసుకుంది. ఘజియాబాద్ లో వస్త్ర వ్యాపారం నడుపుతున్న వ్యక్తిని పెళ్లాడింది. కానీ ఈ వివాహం కూడా ఎక్కువ కాలం కొనసాగలలేదు. దీంతో షాహీనా మూడో పెళ్లిని సీనియర్ డాక్టర్ అయిన ముజమ్మిల్ ను 2023లో పెళ్లాడింది. దీంతో ఇద్దరూ ఉగ్రవాదంవైపు అడుగులు వేశారు. జైషే మహమ్మద్ మహిళా విభాగానికి భారత్ లో షాహీన్ నాయకత్వం వహించారు.

More Stories
కుత్రిమ మేధ పెరుగుదలతో యంత్రాలుగా మారవద్దు!
కుంభమేళా తరహాలో 2027 హరిద్వార్ అర్ధకుంభమేళా
లచిత్ బర్ఫుకాన్ అత్యున్నత అంకితభావం భారత్ ఆత్మ