ఏదీ అసాధ్యం కాదనే ధైర్యం ఇస్తుంది వందేమాతరం

వందేమాతర గీతం ఒక స్వప్నం, ఒక సంకల్పం, అదొక స్ఫూర్తి మంత్రమని ప్రధాని నరేంద్ర మోదీ తెలిపారు. వందేమాతరం గీతం దేశమాత ఆరాధన, సాధన అని పేర్కొంటూ జాతీయ గీతం అందరినీ పురాణ ఇతిహాసాల్లోకి తీసుకెళ్తుందని, ఆ శబ్దం ఆత్మవిశ్వాసం నింపుతుందని ప్రధాని పేర్కొన్నారు. భవిష్యత్తుకు సరికొత్త భరోసా ఇస్తుందని, వందేమాతరం సామూహిక గీతాలాపన అద్భుత అనుభవమని చెప్పారు. 

ఒకే లయ, స్వరం, భావంతో గీతాలాపన హృదయాన్ని స్పందింపజేస్తుందని, ఈ స్మారకోత్సవాలు దేశ ప్రజలకు ప్రేరణ ఇస్తాయని విశ్వాసం వ్యక్తం చేశారు. ప్రతి గీతానికి ఒక మూల భావం, సందేశం ఉంటుందిని చెబుతూ ప్రధాని వందేమాతరం మూల భావం భారత్‌ అని చెప్పారు.