ప్రధాని మణిపూర్ రాక ముందు ఎమ్యెల్యేలు ప్రజలతో కలవాలి!

2023 మేలో రాష్ట్రంలో కొనసాగుతున్న జాతి వివాదం తర్వాత ప్రధాని నరేంద్ర మోదీ తొలిసారిగా మణిపూర్ పర్యటనకు వస్తున్న సందర్భంలో, గవర్నర్ అజయ్ భల్లా పాలక కూటమి ఎమ్మెల్యేలను తమ నియోజకవర్గాలలోని ప్రజలతో కలిసి పనిచేయాలని చెప్పారని తెలిసింది. ప్రధాని పర్యటనపై ఇంకా అధికారిక ప్రకటన వెలువడనప్పటికీ, గవర్నర్ భల్లా ఆదివారం రాజ్ భవన్‌లో పాలక కూటమి ఎమ్మెల్యేల సమావేశాన్ని ఏర్పాటు చేశారు.

దీనికి మాజీ ముఖ్యమంత్రి ఎన్ బిరెన్ సింగ్, స్పీకర్ టి సత్యబ్రత సింగ్, అలాగే మణిపూర్ బిజెపి అధ్యక్షుడు ఎ శారదా దేవి సహా 20 మందికి పైగా శాసనసభ్యులు హాజరయ్యారు. ఈ సమావేశంలో, మే 13న మిజోరాంలో పర్యటించిన తర్వాత మణిపూర్ లో ప్రయాణించే అవకాశం ఉందని చెప్పారు.  ప్రధాని మధ్యాహ్నం కుకి-జో-మెజారిటీ చురచంద్‌పూర్‌ను సందర్శిస్తారని, దీనికి పీస్ గ్రౌండ్‌లో సన్నాహాలు జరుగుతున్నాయని వారికి తెలిపారు. 

అక్కడి నుంచి మధ్యాహ్నం 2 గంటలకు హెలికాప్టర్‌లో ఇంఫాల్‌లోని కాంగ్లా కోటకు చేరుకుని, అక్కడ ప్రసంగించనున్నారు.  ఆ తర్వాత మధ్యాహ్నం 3:30 గంటలకు ఇంఫాల్ విమానాశ్రయానికి బయలుదేరి అస్సాం పర్యటనకు బయలుదేరుతారు. ప్రధానమంత్రి ఘర్షణల కారణంగా నిరాశ్రయులైన ప్రజల ప్రతినిధులను కలిసే అవకాశం ఉందని, అందరు ఎమ్మెల్యేలను ఆహ్వానించి, ప్రధానమంత్రితో వేదికపై కాకుండా కాంగ్లా కోటలోని విఐపి ఎన్‌క్లోజర్ ప్రేక్షకులలో కూర్చోబెట్టే అవకాశం ఉందని కూడా సమాచారం అందింది. 

ప్రధాని పర్యటన సందర్భంగా ఎటువంటి అవాంతరాలు తలెత్తకుండా ఉండటానికి ఎమ్మెల్యేలు తమ తమ నియోజకవర్గాల్లో ఈ విషయాన్ని ప్రచారం చేయాలని గవర్నర్ కోరారు. కలహాలతో అట్టుడుకుతున్న రాష్ట్రానికి ప్రధానమంత్రి పునరావాస ప్యాకేజీని ప్రకటించే అవకాశం ఉందని అధికార వర్గాలు తెలిపాయి.