వీటితోపాటు మరో రెండు డజన్లకుపైగా కంపెనీలకు ఈ గుర్తింపు ఇవ్వాలని ప్రభుత్వం యోచిస్తున్నట్లు సమాచారం. అయితే పూర్తి జాబితా, అర్హతలు, ప్రత్యేక హోదా కింద అందించే ప్రయోజనాలపై ఇంకా స్పష్టత రావాల్సి ఉంది. ఏఐ రంగంలో కేవలం అత్యాధునిక సాంకేతికతను అభివృద్ధి చేయడం మాత్రమే సరిపోదని అమెరికా భావిస్తోంది. ఇతర దేశాలు కూడా తమ ఏఐ చిప్లు, క్లౌడ్ సేవలు, సాఫ్ట్వేర్, ఏఐ మోడళ్లను వినియోగించేలా చేయడం ద్వారా దీర్ఘకాలిక ఆధిపత్యాన్ని సాధించాలని చూస్తోంది.
ఈ నేపథ్యంలో అమెరికా కంపెనీలు విదేశీ మార్కెట్లలోకి విస్తరించేందుకు ప్రభుత్వ సహకారం అందించాలన్నది తాజా ప్రతిపాదనలో కీలక అంశంగా కనిపిస్తోంది. ముఖ్యంగా అభివృద్ధి చెందుతున్న దేశాల్లో చైనా కంపెనీలు తక్కువ ధరలకు ఏఐ సేవలు, సాంకేతిక పరిజ్ఞానాన్ని అందిస్తున్నాయి. ఈ పోటీని ఎదుర్కొనేందుకు అమెరికా తన టెక్నాలజీ కంపెనీలకు అండగా నిలవాలని భావిస్తోంది.
ప్రపంచ ఏఐ రంగంలో అమెరికాకు ప్రస్తుతం బలమైన సాంకేతిక సంస్థలు, అత్యాధునిక చిప్ తయారీ పరిజ్ఞానం, భారీ డేటా సెంటర్లు, పరిశోధనా సామర్థ్యం వంటి ప్రయోజనాలు ఉన్నాయి. మరోవైపు చైనా కూడా డీప్సీక్, హువావే వంటి సంస్థల ద్వారా వేగంగా ముందుకు సాగుతోంది. తక్కువ వ్యయంతో ఏఐ మోడళ్లను అభివృద్ధి చేయడం, ఓపెన్సోర్స్ సాంకేతికతను విస్తరించడం ద్వారా అంతర్జాతీయ మార్కెట్లలో తన ఉనికిని పెంచుకుంటోంది.
ఈ పరిస్థితుల్లో అమెరికా కంపెనీలకు ప్రభుత్వ మద్దతు అందించడం ద్వారా ఇతర దేశాలు చైనా టెక్నాలజీ వైపు మళ్లకుండా చూడాలన్నది ట్రంప్ వ్యూహంగా కనిపిస్తోంది. ముఖ్యంగా చిప్ల నుంచి ఏఐ అప్లికేషన్ల వరకు మొత్తం సాంకేతిక వ్యవస్థను ఒకే ప్యాకేజీగా అందించడం ద్వారా అమెరికా టెక్నాలజీపై ఇతర దేశాల ఆధారపడటాన్ని పెంచుకోవాలని చూస్తోంది.

More Stories
టీవీఎస్ గ్రూప్ ఆస్తుల పంపకంపై కుమార్తె పట్టు
లలిత్ మోదీకి బ్రిటన్ పౌరసత్వం
ఎస్బీఐ క్రెడిట్ కార్డుకు డిసెంబర్ 1 నుండి కొత్త నిబంధనలు