షెహజాద్ భట్టీ ట్రాప్‌లో చిక్కుకోబోయిన గుజరాత్ యువకులు!

జిమ్ ట్రెయినర్ తన వాంగ్మూలంలో ‘‘భట్టీ ఒక మోడల్ లేదా సెలబ్రిటీలా కనిపించడతో ఫాలో అయ్యాను.. ఆ తర్వాత నాకు భట్టీ నుంచి మెసేజ్ వచ్చింది. ‘ఎక్కడి నుంచి?’ అని అడిగితే వివరాలు చెప్పాను. మర్నాడే గుజరాత్ ఎస్‌టిఎస్ నన్ను విచారణకు తీసుకెళ్లి అసలు విషయం చెప్పింది. అతడు ఉగ్రవాది అని నాకు అప్పుడే తెలిసింది. యువతకు నేను చెప్పేది ఒకటే దేశానికి నమ్మకద్రోహం చేయకండి. సోషల్ మీడియా వ్యామోహంలో పడి కన్నవారికి కడుపుకోత మిగల్చకండి’’ అని పేర్కొన్నాడు.

‘‘ఖరీదైన కార్లు, స్విమ్మింగ్ పూల్ ఉన్న దుబాయ్ ఇళ్లను రీల్స్‌లో చూసి డబ్బు పిచ్చిలో కాంటాక్ట్ అయ్యాను. నన్ను ఒక గ్రూప్ కాల్‌లో కూడా కలిపారు కానీ మ్యూట్‌లో ఉంచారు. ఆ గ్రూప్‌లో ‘ఆబిద్ జాట్’ అనే పేరు గుర్తు ఉండిపోయింది. నాకు ఏదైనా టాస్క్ ఇచ్చేలోపే ఏటీఎస్ అధికారులు నన్ను పట్టుకున్నారు. నాది పెద్ద తప్పిదమని గ్రహించాను’’ అని 19 ఏళ్ల యువకుడు వెల్లడించాడు. ఈ ఘటన తర్వాత ఇద్దరు యువకులను అధికారులు విచారించి తీవ్రంగా హెచ్చరించి, ఇలాంటి అనుమానాస్పద సందేశాలు వస్తే వెంటనే పోలీసులకు సమాచారం ఇవ్వాలని సూచించారు.