ఇస్లామాబాద్లో జరిగిన పాక్ మాజీ క్రికెటర్ షోయబ్ అక్తర్ సోదరుడు షాహిబ్ అక్తర్ అంత్యక్రియలకు నిషేధిత సంస్థలకు చెందిన ఉగ్రవాదులు హాజరవ్వడం సంచలనంగా మారింది. వారిలో పహల్గాం ఉగ్రదాడి సూత్రధారి సహా లష్కర్ ఎ తయిబాకు చెందిన ఉగ్రవాదులు పాల్గొన్నారు. భారత్కు వ్యతిరేకంగా రెచ్చగొట్టే వ్యాఖ్యలు చేయడంలో పేరుగాంచిన సైఫుల్లా కసూరితో సహా లష్కర్-ఎ-తైబా (ఎల్ఈటి) ఉగ్రవాదులు ఈ కార్యక్రమం వద్ద కనిపించడంతో ఇది తీవ్ర చర్చనీయాంశమైంది.
షోయబ్ పెద్ద సోదరుడు షాహిద్ అక్తర్ జూన్ 24న మరణించారు. భారత్లో 26/11 ముంబై దాడులు, పహల్గామ్ మారణకాండ వంటి అత్యంత భయంకరమైన ఉగ్రవాద దాడులకు పాల్పడిన ఎల్ఈటికి చెందిన పలువురు నాయకులు, ఇస్లామాబాద్లోని హెచ్-8 శ్మశానవాటికలో జరిగిన షాహిద్ అంత్యక్రియలకు హాజరైనట్లు ఒక వైరల్ వీడియోలో కనిపిస్తుంది. కసూరితో పాటు, ఎల్ఈటి రాజకీయ విభాగమైన ‘పాకిస్థాన్ మర్కజీ ముస్లిం లీగ్’ (పీఎంఎంఎల్) అధ్యక్షుడు ఇనామ్ ఉర్ రెహ్మాన్ కూడా ఈ అంత్యక్రియలకు హాజరయ్యారు.
అలాగే, స్థానిక రాజకీయ నాయకులు కూడా ఈ కార్యక్రమంలో పాల్గొన్నారు. దీనికి సంబంధించిన వీడియోలు, ఫొటోలు సోషల్ మీడియాలో వైరల్ అవుతున్నాయి. భారతదేశానికి, ఒక బహిరంగ కార్యక్రమంలో సైఫుల్లా కసూరి హాజరు కావడం ఆందోళన కలిగించడం ఖాయం. లష్కర్ డిప్యూటీ చీఫ్ అయిన ఇతను భారతదేశ వ్యతిరేక ప్రసంగాలకు, రెచ్చగొట్టే వ్యాఖ్యలకు పేరుగాంచాడు.
ఇటీవల 25 మంది పర్యాటకులను బలిగొన్న పహల్గామ్ ఉగ్రదాడి తర్వాత, అతని అనేక రెచ్చగొట్టే ప్రసంగాలు వైరల్ అయ్యాయి. అతను భారతదేశంపై “జల ఉగ్రవాదం” ఆరోపణలు కూడా చేశాడు. ఇది బహుశా సింధు ఒప్పందాన్ని నిలిపివేయడాన్ని ఉద్దేశించి చేసి ఉండవచ్చు. కాశ్మీర్లో ఒత్తిడి తెస్తే ఇతర చోట్ల అశాంతితో సమాధానం ఇస్తామని బెదిరించాడు.
మరో వీడియోలో, లష్కర్ వంటి ఉగ్రవాద సంస్థలకు పాకిస్తాన్ సైన్యం పరోక్షంగా మద్దతు ఇస్తోందన్న చాలా కాలంగా తెలిసిన విషయాన్ని కసూరి అంగీకరించడం కనిపిస్తుంది. సైన్యం తరచుగా తమ కార్యక్రమాలకు తనను ఆహ్వానిస్తుందని, అలాగే తమ సైనికుల అంత్యక్రియల ప్రార్థనలకు నాయకత్వం వహించమని కూడా కోరుతుందని కసూరి చెప్పడం వినవచ్చు.
ఈ నేపథ్యంలో పాకిస్తాన్లో ఉగ్రవాదులకు, స్థానిక రాజకీయ నాయకులకు, క్రీడాకారులకు మధ్య ఉన్న సంబంధాలు మరోసారి చర్చకు వస్తున్నాయి. ఉగ్రవాదులు బహిరంగంగానే తిరుగుతున్నా అక్కడి ప్రభుత్వం మాత్రం ఉగ్ర సంస్తలతో తమకేం సంబంధం లేదని ప్రకటిస్తూ ఉంటుంది. లష్కర్ ఇ తయిబా సంస్థను ఐక్యరాజ్య సమితి ఉగ్రసంస్థగా గుర్తించి, నిషేధించింది. ఈ సంస్థ వ్యవస్తాపకుడు హఫీజ్ సయీద్ తనయుడు తల్హా సయీద్ కూడా ఈ కార్యక్రమంలో పాల్గొన్నాడు.
More Stories
ఇజ్రాయెల్ – లెబనాన్ మధ్య చరిత్రాత్మక ఒప్పందం
డెన్మార్క్ లో ఇస్లామిక్ ప్రార్థన `అజాన్’పై దేశవ్యాప్త నిషేధం!
‘హార్ముజ్’ వద్ద అమెరికా, ఇరాన్ మధ్య కమ్యూనికేషన్ వ్యవస్థ