విశ్రాంత ఉద్యోగుల బకాయిల చెల్లింపుకై బిజెపి ఆధ్వర్యంలో ధర్నా

నిరాహార దీక్షకు సంఘీభావంగా పెద్ద సంఖ్యలో ఉద్యోగులు, విశ్రాంత ఉద్యోగులు ధర్నా చౌక్‌కు తరలివచ్చారు. రాష్ట్ర ప్రభుత్వ నిర్లక్ష్యానికి వ్యతిరేకంగా విశ్రాంత ఉద్యోగులు చేస్తున్న నినాదాలతో ధర్నా చౌక్ దద్దరిల్లింది. పెండింగ్‌లో ఉన్న బకాయిలను వెంటనే విడుదల చేయాలని డిమాండ్ చేస్తూ రిటైర్డ్ ఉద్యోగులు గళమెత్తారు. బకాయిల చెల్లింపులో జరుగుతున్న జాప్యం వల్ల ఉద్యోగులు, విశ్రాంత ఉద్యోగులు ఆర్థికంగా, మానసికంగా తీవ్రమైన ఒత్తిడికి గురవుతున్నారని బీజేపీ నేతలు ఆందోళన వ్యక్తం చేశారు. 

ఈరోజు రాహుల్ గాంధీ తెలంగాణకు వచ్చారని చెబుతూ అసలు ఆయనకు తెలంగాణకు వచ్చే నైతిక అర్హతే కోల్పోయారని మండిపడ్డారు. ఎందుకంటే వాళ్ల పార్టీకి చెందిన ముఖ్యమంత్రి రేవంత్ రెడ్డి తెలంగాణ ప్రజలకు ఇచ్చిన ఒక్క హామీని కూడా అమలు చేయడం లేదని విమర్శించారు. కాంగ్రెస్ పాలనలో పేదల ఇండ్లు కూలగొడుతున్నారని, గత అసెంబ్లీ ఎన్నికల సమయంలో.. రైతులు, యువత, మహిళలు, నిరుద్యోగులు, ఎస్సీ, ఎస్టీ, బీసీలు సహా అన్ని వర్గాలకు ఇచ్చిన హామీలను అధికారంలోకి వచ్చిన తర్వాత పూర్తిగా విస్మరించారని దుయ్యబట్టారు.