గిరిజన గుర్తింపు , ఉనికి రెండింటినీ పరిరక్షించాల్సిన అవసరం ఉందని రాష్ట్రీయ స్వయంసేవక్ సంఘ్ (ఆర్ఎస్ఎస్) సర్ కార్యవాహ దత్తాత్రేయ హోసబాలే స్పష్టం చేశారు. గుర్తింపు కోసం, మన భాష, సంప్రదాయాలు, నమ్మకాలు, ప్రకృతి ఆరాధనను కాపాడుకోవాలని ఆయన సూచించారు.
సంఘ్ శతాబ్ది సంవత్సరంలో హిందూ సమాజంలోని ప్రతి వర్గంతో జరుపుతున్న సంప్రదింపులు, సమాలోచనలలో భాగంగా జంజాతి వికాస్ మంచ్ నిర్వహించిన సమావేశంలో గిరిజన సామాజిక నాయకత్వంతో మాట్లాడుతూ మనుగడ కోసం, అభివృద్ధి, ఆధునికతలతో సమాజంతో ముందుకు సాగేందుకు సంకల్పించుకోవాలని చెప్పారు.
“మీరు_నేను_ఒకే_రక్తం అంటే మనమందరం భారతీయులం, మనమందరం భారతమాత బిడ్డలం” అనే ఆలోచన అత్యంత ముఖ్యమైనదని దత్తాత్రేయ తెలిపారు. సమావేశంలో మాల్వా ప్రావిన్స్‌లోని గిరిజన సమాజ నాయకత్వం స్వావలంబన, విద్య, వ్యసన నిర్మూలన, చెడుల నిర్మూలన, ముఖ్యంగా గిరిజన సమాజం కోసం మతమార్పిడిని ఆపడానికి చేస్తున్న ప్రయత్నాల గురించి వివరించారు. సామాజిక మార్పు కోసం జరుగుతున్న అన్ని ప్రయత్నాలను దత్తాత్రేయ ప్రశంసించారు.
భారత్, భారత్ మాత, హిందువుల మధ్య సారూప్యతల గురించి మాట్లాడుతూ ఏకల్ అభియాన్, కళ్యాణ్ ఆశ్రమం, సేవాభారతి, జంజాతి వికాస్ మంచ్, జంజాతి సురక్ష మంచ్, దేశవ్యాప్తంగా గిరిజన ప్రాంతాలలో స్వయం సేవకులు విద్య, స్వావలంబన, వ్యవసాయం, మతపరమైన మేల్కొలుపు రంగాలలో నిర్వహిస్తున్న ప్రభావవంతమైన పని గురించి ఆయన వివరించారు. మాల్వా ప్రావిన్స్ సంఘచాలక్ డాక్టర్ ప్రకాష్ జీ శాస్త్రి, భీమనాయక్ వనంచల్ సమితి అధ్యక్షుడు అజ్మీర్ సింగ్ కూడా పాల్గొన్నారు.
More Stories
పార్లమెంట్‌లో 14 బిల్లులు ప్రవేశపెట్టనున్న కేంద్రం
పరిశోధనారంగంలో దూసుకుపోతున్న భారత్
అల్ ఫలాహ్‌లోని డా. షహీద్ గదిలో రూ.18 లక్షల నగదు లభ్యం