గుజరాత్ యాంటీ టెర్రరిస్ట్ స్క్వాడ్‌ అరెస్ట్ చేసిన ఐసిస్ ఉగ్రవాద సంస్థతో సంబంధం ఉన్న ముగ్గురు ఉగ్రవాదులలో ఒకరైన హైదరాబాద్ కు చెందిన డాక్టర్ అహ్మద్ మొహియుద్దిన్ సయ్యద్ ఆముదం గింజలు, ఎసిటోన్స్, క్రషర్స్ సాయంతో ప్రమాదకరమైన రైసిన్ అనే విషాన్ని తయారు చేయడానికి ప్రయత్నాలు మొదలుపెట్టినట్లు ఏటీఎస్ అధికారులు తెలిపారు.
రైసిన్ తయారీ కోసం అతడు ఓ అండర్‌గ్రౌండ్ ల్యాబ్‌ను నడుపుతున్నట్లు సమాచారం. ప్రసాదంలో రైసిన్‌ను కలిపి విష ప్రయోగం ద్వారా జనాలను చంపేందుకు వీరు కుట్ర పన్నారనే అనుమానాలు వ్యక్తమవు తున్నాయి. అహ్మదాబాద్, లక్నో, ఢిల్లీల్లోని ఆలయాల్లో వీరు రెక్కీ నిర్వహించినట్లు తెలుస్తోంది. ఆర్ఎస్ఎస్ కార్యాలయాలతోపాటు, మతపరంగా ప్రాధాన్యం ఉన్న ప్రాంతాలను లక్ష్యంగా చేసుకోవాలని వీరు భావించినట్లు ఏటీఎస్ అధికారులు తెలిపారు.అయితేనూనె రైసిన్ అనేది ఆముదం నూనెలో ఉండదు. ఆముదం గింజలను దంచి నూనె తీసినప్పుడు వచ్చేతీసినప్పుడు వచ్చే కేక్‌లో రైసిన్ ఉంటుంది. ఇందులో నుంచి మలినాలను తొలగిస్తే ఎలాంటి వాసన లేని రైసిన్ తయారు చేయొచ్చు. దీనికి ఎలాంటి రుచి, వాసన ఉండవని, ఆహారంలో లేదా నీటిలో కలిపితే గుర్తించడం కష్టమని డాక్టర్లు చెబుతున్నారు.రైసిన్ అనేది సైనెడ్ కంటే ప్రమాదకరమైందని చెబుతున్నారు.ఇది నెమ్మదిగా పని చేస్తుంది. రైసిన్‌ను తక్కువ మొత్తంలో తీసుకున్నా సరే శరీరంలో ప్రోటీన్లను తయారు చేసే ప్రక్రియ నిలిచిపోతుంది. ఫలితంగా అవయవాలు దెబ్బతిని చివరకు మరణానికి దారి తీస్తుంది. రైసిన్‌ను తయారు చేసిన హైదరాబాద్ ఉగ్రవాది దాన్ని ప్రయోగించడానికి పాకిస్థాన్ నుంచి ఆదేశాల కోసం ఎదురు చూస్తున్నట్లు ఏటీఎస్ అధికారులు తెలిపారు. మొహియుద్దీన్ గతంలో రెస్టారెంట్ బిజినెస్ చేశాడు. అక్కడే ఆముదం గింజలను ఉంచేవాడని, వాటిని రైసిన్ తయారీకి వాడినట్లు అధికారులు చెప్పారు. ఈ ముగ్గురు ఉగ్రవాదులను అరెస్ట్ చేసిన ఏటీఎస్ అధికారులు వారికి స్థానికంగా ఎవరితో సంబంధాలు ఉన్నాయి? నిధులు ఎలా సమకూర్చుకున్నారు? ఈ కుట్రలో ఇంకా ఎవరెవరు భాగంగా ఉన్నారనే విషయాలను తెలుసుకునే దిశగా విచారణ కొనసాగిస్తున్నారు.ఇప్పటివరకు బాంబు పేలుళ్లు, కాల్పుల ద్వారా అమాయక ప్రజల ప్రాణాలు తీసిన ఉగ్రవాదులు ఇప్పుడు జీవాయుధాలు, విష ప్రయోగం దిశగానూ కుట్రలు చేస్తుండటం కలవరానికి గురి చేస్తోంది. ఉగ్రవాదుల దగ్గర పిస్టల్స్ దొరకడం వరకు సాధారణమే అయినా ఆముదం నూనె కూడా ఎందుకు ఉందనే అనుమానంతో దర్యాప్తు చేయగా ఈ విషయం విషయం బైటపడింది.
More Stories
అసోంలో బహుభార్యత్వం నిషేధం.. దోషులకు ఏడేళ్ల జైలు
కాంగ్రెస్ అంటేనే ముస్లింలు.. రేవంత్ వ్యాఖ్యలు ప్రమాదకరం
దేశంలో దాదాపు ప్రతినెలా భారీ ఉగ్రకుట్రలు భగ్నం… గుజరాత్ లో ముగ్గురు అరెస్ట్