ఇప్పుడు ఎన్నికలు జరిగితే ఎన్డీయేకు 324, ఇండియా కూటమికి 208

దేశంలో మరోసారి బీజేపీ నేతృత్వంలోని ఎన్డీయే కూటమి అధికారంలోకి రానుందా? 12 ఏండ్లుగా అధికారం కోసం ఎదురుచూస్తున్న కాంగ్రెస్‌ పార్టీకి మరోసారి భంగపాటు తప్పదా?. రాహుల్‌ గాంధీ మరో ఐదేండ్లపాటు విపక్షంలోనే కొనసాగాలా?. అంటే అవుననే అంటున్నది ఇండియా టుడే-సీ వోటర్‌ ‘మూడ్‌ ఆఫ్‌ ద నేషన్‌’ సర్వే నివేదిక.  దేశంలో ఇప్పటికిప్పుడు లోక్‌సభ ఎన్నికలు జరిగితే అధికార బీజేపీ నేతృత్వంలోని ఎన్డీయేకు 324 సీట్లు లభిస్తాయని సర్వేలో తేలింది.

విపక్ష కాంగ్రెస్‌ నేతృత్వంలోని ఇండియా కూటమికి 208 స్థానాలు మాత్రమే దక్కే అవకాశం ఉందని స్పష్టమైంది. ఈ ఏడాది జూలై 1 నుంచి ఆగస్టు 14 దాకా ఈ సర్వేను నిర్వహించారు. ఇందులో భాగంగా దేశవ్యాప్తంగా వివిధ లోక్‌సభ నియోజకవర్గాల్లో 54,788 మందిని ప్రశ్నించారు.  సీవోటర్‌ రెగ్యులర్‌ ట్రాకర్‌ డేటా ద్వారా మరో 1,52,038 మంది అభిప్రాయాలు సేకరించారు. మొత్తంగా 2,06,826 మంది అభిప్రాయాలను పరిగణనలోకి తీసుకుని సర్వే నివేదికను రూపొందించారు.

దీనిద్వారా లోక్‌సభకు ఇప్పుడు ఎన్నికలు జరిగితే ఎన్డీయే మళ్లీ ఘన విజయం సాధించడం తథ్యమని వెల్లడైంది.  పార్టీల పరంగా చూస్తే బీజేపీకి సొంతంగా 260 సీట్లు, కాంగ్రెస్‌కు 97 సీట్లు రానున్నాయి. 2024 ఎన్నికల్లో ఎన్డీయేకు 44 శాతం ఓట్లు లభించగా, ఇప్పుడు 46.7 శాతం ఓట్లు, ఇండియా కూటమికి 40.9 శాతం ఓట్లు లభిస్తాయని సర్వే పేర్కొంది.

అయితే గత ఫిబ్రవరిలో నిర్వహించిన సర్వేలో బీజేపీకి 281 సీట్లు వస్తాయని తేలింది. తాజాగా ఆ సంఖ్య 21 స్థానాలు కోల్పోయి 260కి పడిపోయింది. అదేవిధంగా ఎన్డీయే కూటమికి 343 రాగా, అది 324కు తగ్గింది. ఇక కాంగ్రెస్‌ పార్టీ 78 స్థానాల్లో గెలుస్తుందని ఫిబ్రవరిలో తేలగా, ఇప్పుడు ఆ సంఖ్య 97కు పెరిగింది. ఇది 2024 ఎన్నికల్లో కంటే 2 స్థానాలు తక్కువ కావడం గమనార్హం.

2024లో జరిగిన లోక్‌సభ ఎన్నికల్లో 543 స్థానాలకుగాను బీజేపీకి 240 సీట్లు మాత్రమే వచ్చాయి. దీంతో మెజార్టీ మార్కుకు మరో 32 సీట్లు దూరంలో నిలిచిపోయింది. దీంతో మిత్రపక్షాల సహాయంతో కేంద్రంలో వరుసగా మూడోసారి ప్రభుత్వాన్ని ఏర్పాటు చేసింది. మొత్తంగా ఎన్డీయేకు ప్రస్తుతం 293 సీట్లున్నాయి. 

ఇక కాంగ్రెస్‌ నేతృత్వంలోని విపక్ష ఇండీ కూటమి 234 సీట్లు సాధించింది. విపక్షాలన్నీ ఒక్కటై పోటీ చేసినప్పటికీ హర్యానా, మహారాష్ట్ర, ఢిల్లీలో జరిగిన ఎన్నికల్లో ఓటమిపాలయ్యాయి. పార్టీల వారీగా చూస్తే, ఇప్పుడు సార్వత్రిక ఎన్నికలు జరిగితే, బిజెపి 260 సీట్లు గెలుచుకుంటుందని, కానీ సొంతంగా సాధారణ మెజారిటీని పొందే అవకాశం లేదని సర్వే అంచనా వేసింది.

 అయితే, ఫిబ్రవరి అంచనా 78 సీట్లతో పోలిస్తే, “ఓటు చోరి” వాదనపై బిజెపికి వ్యతిరేకంగా పోరాడుతున్న పార్టీకి ఇది క్రమంగా మార్పును సూచిస్తుంది. ఈరోజు ఎన్నికలు జరిగితే దాని ఓట్ల వాటా 46.7%కి పెరుగుతుంది. 2024లో దానికి 44% ఓట్లు వచ్చాయి. ఇండియా బ్లాక్‌కు, సర్వే 40.9% ఓట్ల వాటాను అంచనా వేసింది.

కాగా, ప్రధానమంత్రి నరేంద్ర మోదీ పనితీరు రేటింగ్ స్వల్పంగా తగ్గింది. ఈ పోల్ ప్రకారం, ఎన్డీఏ ప్రభుత్వ పనితీరుపై ప్రజల ఆమోదం గణనీయంగా తగ్గింది. ఫిబ్రవరి 2025లో 62.1 శాతం మంది దాని పనితీరును ‘మంచిది’ అని రేట్ చేశారు, కానీ తాజా సర్వేలో ఈ సంఖ్య 52.4 శాతానికి పడిపోయింది. ఫిబ్రవరిలో 8.6 శాతం నుండి 15.3 శాతం మంది ప్రజలు సంతృప్తి చెందలేదు లేదా అసంతృప్తి చెందలేదు. 2.7 శాతం మంది ప్రభుత్వ పనితీరుపై అసంతృప్తి వ్యక్తం చేశారని, ఈ సంఖ్య ఆరు నెలల క్రితం మాదిరిగానే ఉందని డేటా చూపిస్తుంది.